1 KORINTUS 3:8 - BIBEL JAMITA NA DENGGAN

⁸ Bope na mananom sanga pe na manyiram sarupa do i.

1 KORINTUS 3:8 ပူးပေါင်းရင်းမြစ်များ

MASMUR 62:12

jana anggo holong ni rohaNia manongtong do sapanjangna. Ho do mamalos ale Tuhan tu ganop halak marguru tu pangalahona.

PODA 27:18

Sanga ise na marsuan-suanan panganonna do parbatuna. Dipasangap do pangoloi muda dioloi do tuanna.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

LUKAS 19:19

Didok pangarajai i ma tu naposona i, ‘Gabe pangarajai ma ho di lima kota.’

SURAT NI SI PAULUS TU PARLAGUTAN ROM 2:6

Harana baloskononNia do tu sude halak hombar tu pambaenanna be.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

1 KORINTUS 3:14

Muda tahan do bagas na nipajongjong di ginjang ni ojahan i ditutung dohot api i, jagiton ni tukangna i ma upania.

1 KORINTUS 3:7

Hara ni i, na umporlu nada na mananom sanga na manyiram, tapi Debata na patubuhon i do.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

1 KORINTUS 4:15

Songon halak Kristen hamu, didok rohangku madung adong sampulu ribu halak gurumunu, tapi nada adong na gabe ama di hamu. Hum au do na gabe ama di hamu sude, harana Jamita Na Denggan taringot tu Kristus Jesus i do na huoban di hamu.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

GALATIA 6:4

Marsipareso pangalahona be ma ganop halak sanga na ture do sanga nada. Baru pe anso tola ia marmoga-moga di bagasan rohania hara ni angka pangalaho na denggan na nibaennia i. Indangkon pola sai dipatudos-tudos tu pambaenan ni halak na asing.

GALATIA 6:5

Harana angkon marsiporsan bobanna be do na mangolu i.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HALUMBAAN 22:12

“Ligi ma! Ro ma Au maroban upa laho mamaloskon tu ganop halak hombar tu pambaenanna.