1 KORINTUS 3:7 - BIBEL JAMITA NA DENGGAN

⁷ Hara ni i, na umporlu nada na mananom sanga na manyiram, tapi Debata na patubuhon i do.

1 KORINTUS 3:7 ပူးပေါင်းရင်းမြစ်များ

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

MASMUR 90:17

Ale Tuhan Debatanami, pasupasu ma hami, anso manjadi sude karejonami.

JESAYA 40:17

Sandok bangso nada bagia aha dope i diSia, nada lobi sian na rumar soada.

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

JOHANNES 15:5

Au do bona ni anggur i, jana hamu ma angka rantingna. Sanga ise na tinggal di bagasan Au jana Au di bagasan ia, ramos ma ia marbatu; angke anggo so rap dohot Au, nada adong bagi aha tarbaen hamu.

1 KORINTUS 13:2

Sugari malo au manyurirangi, jana huboto sude na buni dohot sude parbinotoan, jana adong di au haporsayaan jabat tarpaorot au angka dolok, tapi nada adong di au holong ni roha, songon na soada do au.

1 KORINTUS 3:6

Au manyuan jana si Apollos ma manyiram, tapi anggo na patubuhon laing Debata do.

1 KORINTUS 3:8

Bope na mananom sanga pe na manyiram sarupa do i.

2 KORINTUS 12:11

Satutuna, ma gabe songon halak na oto au hubaen, tapi hamu do mambaen au gabe songon i. Sapatutna angkon hamu do nian mamuji au. Angke haru songon jolma na so mararti pe au, nada bagi talu au maradopkon “angka rasulmunu” na luar biasa i!

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.