1 KORINTUS 3:18 - BIBEL JAMITA NA DENGGAN

¹⁸ Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

1 KORINTUS 3:18 ပူးပေါင်းရင်းမြစ်များ

PODA 26:12

Dao dope dumenggan halak na oto ulang pado jolma na mangetong dirina malo.

PODA 3:5

Haporsayai ma Tuhan sian sude rohamu, jana ulang pangasahon pangartianmu sandiri.

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

PODA 5:7

Hara ni i, ale anakku, tangihon ma au jana ulang ma halupahon angka hatangku.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

JESAYA 5:21

Marjaya ma halahi hara ni na diambang dirina na bisuk jana na lobi pistar.

JEREMIA 37:9

Au Tuhan Hupaingot hamu anso ulang paoto-oto hamu dirimunu marhite pikiran na mandok na so mulak be halak Babel i. Harana pasti do mulak halahi.

JEREMIA 8:8

Puluk do hamu antong mandok na malo hamu, jana na pistar salaho tu angka tona! Cubo hamu ma jolo mangaligi angka tona na Hulehen i madung dipauba angka panyurat na so tigor!

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 18:4

Anggo halak na gumodang di Harajaan Ni Banua Ginjang, i ma halak na patorukkon dirina gabe songon dakdanak on.

MARKUS 10:15

Tutu do na Hudok on! Sanga ise na so manjagit Harajaan Ni Debata songon panjagit ni sada dakdanak, inda tarbaen halahi gabe anggota ni Harajaan Ni Debata i.”

LUKAS 18:17

Tutu do na Hudokkon di hamu: Barang ise na so manjagit Harajaan Ni Debata songon dakdanak on, nada tarbaensa masuk tu bagasanna.”

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

1 KORINTUS 3:17

Muda adong halak na manyegohon Bagas Ni Debata, segohonon ni Debata muse ma halakna i. Harana anggo Bagas Ni Debata na badia do, jana hamu ma bagas i.

1 KORINTUS 4:10

Gabe angka na oto do hami hara ni Kristus jana hamu angka na malo dibagasan Kristus! Hami angka na gale, hamu na gogo! Hami diincahi, anggo hamu dipapuji-puji!

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

GALATIA 6:7

Ulang hamu ra dipaoto-oto! Nada sipargonjakkonon Debata! Sanga aha nisuan angkon laing i do sabion.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

1 JOHANNES 1:8

Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.