1 KORINTUS 3:16 - BIBEL JAMITA NA DENGGAN

¹⁶ Diboto hamu dehe, na Bagas Ni Debata do hamu? Songon i muse na maringanan do Tondi Ni Debata di hamu?

1 KORINTUS 3:16 ပူးပေါင်းရင်းမြစ်များ

JEHESKIEL 36:27

DuruskononKu ma tondingKi tu bagasan rohamunu jana sai jagoanKu ma hamu anso mardalan mangihutkon angka aturan na sian Au jana anso mangoloi di sude na Huparentahon.

JOHANNES 14:17

i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

SURAT NI SI PAULUS TU PARLAGUTAN ROM 6:16

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

SURAT NI SI PAULUS TU PARLAGUTAN ROM 6:3

Sanga nada he diboto hamu hita sude na dung tardidi di bagasan Kristus Jesus, laing na dung tardidi di bagasan hamateanNia?

SURAT NI SI PAULUS TU PARLAGUTAN ROM 8:11

Muda Tondi Ni Debata na pangoluhon Jesus sian hamatean i do mangolu di bagasan dirimunu, jadi pangoluonNia muse ma pamatangmunu na ra mate i, songon Kristus na nipangoluNia sian hamatean i, markite-hite TondiNia na mangolu i di bagasan hamu.

SURAT NI SI PAULUS TU PARLAGUTAN ROM 8:9

Tapi anggo hamu ale angka dongan, nada mangihutkon bako ni jolma hamu mangolu. Mangihutkon Tondi do hamu mangolu, muda tutu Tondi Ni Debata mangingani dirimunu. Sanga ise na so maruli Tondi Ni Kristus, nada Kristus nampuna ia.

1 KORINTUS 3:17

Muda adong halak na manyegohon Bagas Ni Debata, segohonon ni Debata muse ma halakna i. Harana anggo Bagas Ni Debata na badia do, jana hamu ma bagas i.

1 KORINTUS 3:9

Rap parkarejo ni Debata do hami na dua; tapi anggo hamu kobun ni Debata do dohot bagas ni Debata.

1 KORINTUS 5:6

Nada denggan anggo na manggodang diri i hamu! Ning rohangku diboto hamu do pandohan on, “Saotik pe ragi i, gabe kombang do sude adonan i!”

1 KORINTUS 6:16

Aropku inda diboto hamu dope, sanga ise na marhamainan dohot sada halak panggampang, na dung gabe sada do ia dohot panggampang i! Harana tarsurat do, “Gabe sada ma na dua halak i.”

1 KORINTUS 6:19

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu.

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 KORINTUS 9:24

Tontu sude do hamu mamboto, anggo di na marsiadu hipas marlojong, sude do halak na dohot i marlojong, hape hum sahalak do anggo na manjagit upa. Antong sahipas-hipasna ma lojongi hamu anso dapot hamu upa i.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

1 TIMOTEUS 3:15

betak sai tarlambat au anso diboto ho hian sanga na bia sapatutna hita mangolu songon halak na sabagas dohot Debata, i ma parlagutan ni Debata na mangolu. Parlagutan i ma na songon tiang partunggul ni hasintongan ni Debata.

2 TIMOTEUS 1:14

Mardongan pangurupi ni Tondi Parbadia na maringanan di bagasan hita, angkon jagohononmu ma sadenggan-dengganna angka na mararga na dung dihaporsayahon tu ho.

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

1 PETRUS 2:5

Songon angka batu na mangolu do hamu. Antong ra ma hamu dipake laho pajongjong bagas ni Debata di pangalaho partondion. Jadi gabe angka malim na badia ma hamu jana na mangalehen haul tu Debata markite-hite Jesus Kristus, i ma haul partondion jana na tumbuk di roha ni Debata.

1 JOHANNES 4:12

Sahalak pe nada adong na jungada mida Debata, tapi maringanan do Debata di bagasan hita jana gabe sanggam do holong ni rohaNia di bagasan hita muda marsihaholongan hita sama hita.