1 KORINTUS 3:10 - BIBEL JAMITA NA DENGGAN

¹⁰ Hara ni hamaloon na nilehen ni Debata di au, songon tukang bagas na malo madung sidung hubaen ojahan ni bagas i, jana halak na asing do pajongjongkon bagas di ginjang ni ojahan i. Angkon jolo tangkas do parrohahonon ni tukang i sanga songon dia bagas na giot pajongjongonnia i di ginjang ni ojahan i.

1 KORINTUS 3:10 ပူးပေါင်းရင်းမြစ်များ

2 JUJUR TAON 2:12

Nipuji ma da Tuhan Debata ni Israel. Na manompa langit dohot tano on! Dilehen Ia do antong sada anak na sun marbisuk jana na marparbinotoan di si Daud, i ma na giot pajongjongkon Bagas di Tuhan dohot bagas godang diSia sandiri.

HARURUAR 36:4

Jana marroan be ma angka na malo-malo na mangkarejohon sude karejo na paulihon inganan na badia i sian parkarejoanna be,

PODA 12:8

Halak na marroha, papuji-pujion, halak na bodo panyaor-nyaoron.

PODA 9:1

Dipajongjong habisuhon do bagas, jana dibaen ia do pitu tiangna.

PARJAMITA 12:9

Na pistar jana na marbisuk do Parhapistaran i. Hara ni i diajarkon ia tu jolma sude parbinotoan i. Bahat do poda diparsiajari ia, lalu diuji ia hatutuanna.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

ZAKARIA 4:9

Ninna ma, “Madung dipayakkon si Zerubabel ojahan ni BagasKu, jana pasidungonnia ma sude bangunan i. Muda tulus tarjadi i, botoon ni bangsongKu ma, bahaso Au do na marsuru ho ale Zakaria tu halahi.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

LUKAS 11:35

Antong hara ni i manat-manat ma hamu anso ulang sanga golap na torang na di bagasan ho i.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

BAENON NI ANGKA RASUL 18:27

Dung i ditahi roha ni si Apollos ma giot kehe tu Akaya. Jadi mambaen surat ma angka halak na porsaya i di Epesus tu angka dongan na porsaya di Akaya anso sonang roha ni halahi manjagit si Apollos. Jadi dung lalu si Apollos di Akaya, marguna situtu do hape pangurupinia tu halak na porsaya hara ni asi ni roha ni Debata.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 12:3

Markite-hite asi ni roha na nilehen di au, hupaingot ma hamu ganup marsada-sada ulang ma dipikiri hamu taringot tu hamu lobi sian na patut, tapi intap ni na patut ma parrohaonmunu, mangihutkon haporsayaan na diturpukkon ni Debata tu hamunu.

SURAT NI SI PAULUS TU PARLAGUTAN ROM 15:15

Tapi haru songon i pe hupulukkon do rohangku mambaen surat tu hamu, songon na paingotkon hamu hara ni asi ni roha na nilehen ni Debata tu au.

SURAT NI SI PAULUS TU PARLAGUTAN ROM 15:20

Tapi on do na huharinggaskon, anso hujamitahon Jamita Na Denggan, barang di dia na so tarbarita dope goar ni Kristus i, anso ulang hupajongjong bagas di ginjang ni ojahan na nipayakkon ni halak.

1 KORINTUS 3:11

Harana nada adong sada halak pe na bisa mamayakkon ojahan na asing sian ojahan na dung dipayakkon hian, i ma Jesus Kristus.

1 KORINTUS 9:2

Muda pe na so rasul au di halak na asing, laing rasul do au di hamu. Angke hamu do tandana paboa na tutu au rasul di bagasan Tuhan i.

2 KORINTUS 10:15

Astuanna na hami dok disi, nada pagodang diri hami hara ni karejo ni halak na asing na di ruar ni batas na nitontuhon ni Debata di hami. Tapi sai mur martamba ma haporsayaanmunu, anso mur bidang tohap sikarejohonnami di tonga-tongamunu, haru pe laing tong dope di bagasan batas na nitontuhon ni Debata tu hami.

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

KOLOSSE 4:17

Jana tonahon hamu ma tu si Arkippus, “Pasidung ma karejo na dilehen tu ho laho mangoloi Tuhan.”

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

1 TIMOTEUS 4:16

Jagohon ma dirimu jana jagohon muse ma dohot pangajaranmu. Burju ma ho patuluskon i sudena, angke muda songon i, dipalua ho do dirimu sandiri bope angka halak na manangihon ho.

2 TIMOTEUS 2:15

Haburjuhon ma na markarejo i anso dioku Debata ho gabe halak na tama markarejo di Debata. Parayak ma anso ulang jabat maila ho hara ni karejomu, tapi sintong ma ajarkon angka pangajaran na sian Debata.

JAKOBUS 3:1

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.

1 PETRUS 4:11

Sanga ise na marjamita, barita na sian Debata ma dijamitahon; sanga ise na mangurupi halak na asing, mangasahon gogo na sian Debata ma ia mangurupi, anso tarpasangap Debata markite-hite Jesus Kristus di bagasan sasudena i. Ia do na markuaso jana na patut pasangapon salolot-lolotna. Angkon songon i ma na sapatutna. Amen.

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.

HALUMBAAN 21:14

Di ginjang ni dua bolas batu ojahan do dipajongjong tembok ni kota i. Tarsurat do angka goar ni rasul ni Anak Ni Biri-biri i, i ma sidua bolas halak i di angka batu ojahan i.

HALUMBAAN 21:19

Di angka batu ojahan ni kota i dipambaeni do sude rupa-rupa ni batu intan. Batu ojahan na parjolo dibaen do sian batu intan jaspis, na paduahon sian batu nilam, patoluhon sian batu jakut, paopatkon sian batu zamrud,