1 KORINTUS 2:8 - BIBEL JAMITA NA DENGGAN

⁸ Sahalak pe nada adong umboto sangkap na nibaen ni Debata i. Angke sugari na dung diboto halahi i, nada jabat parsilangkonon ni halahi Tuhan na sumangap i.

1 KORINTUS 2:8 ပူးပေါင်းရင်းမြစ်များ

MATEUS 11:25

Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

LUKAS 23:34

Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

JOHANNES 7:48

“Adong dehe sada halak sian angka pamimpin sanga halak Parise na dung porsaya tuSia?

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

BAENON NI ANGKA RASUL 13:27

angke na so pamotoan ni halak Jerusalem dohot angka pamimpin ni halahi, hapengani Ia do Jesus i. Na so mangarti do halahi na tarsurat di pangajaran ni angka panurirang haru pe disise halahi i ganop Ari Sabat, gabe diuhumi halahi ma Jesus. Tapi hara ni na nibaen ni halahi songon i gabe tulus ma na nidok ni angka panurirang hian.

BAENON NI ANGKA RASUL 7:2

Dialusi si Stefanus ma, “Hamu ale angka dongan bope angka amanami! Tangihon hamu ma jolo na hudok on! Dompak so bungkas ompunta si Abraham tu Haran, hatiha di Mesopotamia dope ia, ro ma Debata na marmulia i tusia

1 KORINTUS 1:20

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?

1 KORINTUS 2:6

Haru pe songon i, anggo tu halak na dung togu haporsayaanna, laing huhobarkon do nian taringot tu hamaloan. Tapi nada hamaloan ni portibi on sanga hamaloan ni angka na markuaso di portibi on. Harana mago do kuaso ni halahi i.

2 KORINTUS 3:14

Madung digupgupi roha ni halahi. Jana lopus tu sadari on pe laing targupgup dope roha ni halahi dibaen panggupgupina i muda disise halahi angka buku taringot tu parjanjian na honok. Angkon marhasadaon dohot Kristus do, anso tarungkap halak panggupgupi i.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

EPESUS 4:18

Madung manggolap pikiran ni halahi. Umpe ditanda halahi be hangoluan na nilehen ni Debata, angke nada adong be parbinotoan di halahi sanga aha taringot tu Debata. Halak si jogal roha do halahi umbaen na songon i.

1 TIMOTEUS 1:13

Najolo, madung hupalayas Ia, huparkanciti jana hupabile. Tapi haru songon i pe asi do roha ni Debata mida au, angke nada porsaya dope au hatiha i, gabe nada huboto sanga aha na hubaen i.

JAKOBUS 2:1

Hamu angka dongan! Songon halak na porsaya tu Tuhan Jesus Kristus, Tuhan Na Sumangap i, ulang ma hara ni angka pangalaho na tarida baen hamu mangaligi bohi ni halak.