1 KORINTUS 2:4 - BIBEL JAMITA NA DENGGAN

⁴ Nada markite-hite habisuhon na paposkon hupalalu hatangku dohot jamitangku tapi markite-hite dalan na patandahon kuaso na sian Tondi i do.

1 KORINTUS 2:4 ပူးပေါင်းရင်းမြစ်များ

PODA 20:19

Nada tarsimpan na ramos mangecet rahasia; jana dohot halak na mabekbektu indangkon sai mardongan iba.

PODA 7:21

Songon i ma dibaen anak boru i mangarayu doli-doli i mardongan elek-elek na manarik lopus gabe targoda ia.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

JEHESKIEL 13:6

Angka na so tutu do parnidaan ni halahi jana angka alatan ni halahi pe gabus sajo do. Pandok ni halahi tona sian Tuhan do na nioban ni halahi, hape Tuhan sandiri so jungada manyuru halahi. Bia ma he parjadina arop roha ni halahi tarjadi alatan ni halahi?

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 26:28

Dung i didok Raja Agrippa ma tu si Paulus, “Saotik nari noma anso masuk Kristen au dibaen ho!”

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

SURAT NI SI PAULUS TU PARLAGUTAN ROM 15:19

na nidonganan ni angka tanda hahomangan na sian gogo ni Tondi Parbadia do sudena i. Madung sudena hubaritahon Jamita Na Denggan sian Kristus i tu angka jolma, mamungka sian Jerusalem lopus tu Ilirikum.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

1 KORINTUS 1:17

Nada na giot mandidihon umbaen na nisuru ni Kristus au, tapi na giot manjamitahon Jamita Na Denggan na sian Debata do. Jana i pe nada tola baenonku hara ni malo-malongku mangkatai, anso ulang sayang boti kuaso ni hamamate ni Kristus i di parsilang i.

1 KORINTUS 2:1

Hamu ale angka dongan! Di na ro au mandapotkon hamu jana di na hujamitahon tu hamu taringot tu sangkap ni Debata na so binoto ni portibi on dope, nada hupake malo-malo ni jolma mangkobari tu hamu. Jana nada hupake parbinotoan ni portibi on.

1 KORINTUS 2:13

Laing i do na hami hatahon, nada markite-hite hata na niajarkon ni habisuhon ni jolma tapi markite-hite hata na niajarkon ni Tondi. Hami pajojor do angka pangalaho partondion tu angka na maruli Tondi.

1 KORINTUS 4:20

Harana muda Debata do mamarenta ngolu ni sada-sada halak, angkon tanda do i sian hagogoon ni ngolu ni halahi, nada sian hata-hatana.

2 KORINTUS 6:6

Hami patuduhon do na tutu hami pangoloi ni Debata di habuluson ni rohanami, di parbinotoan di hasobaron dohot di denggan ni rohanami. Di bagasan Tondi Parbadia dohot sian holong ni roha na ias,

GALATIA 1:10

Adong he anso jop do roha ni jolma mida au? Dao ma i! Na pajopkon roha ni Debata do na huparayak. Adong he na giot mambuat roha au tu jolma anso jop roha ni halak mida au? Sugari laing hubaen dope antong songon i na so tutu do au naposo ni Kristus.

KOLOSSE 2:4

Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

2 PETRUS 1:16

Di na hami patorang sanga songon dia hasangapan ni Tuhanta Jesus Kristus di haroroNia tu hamu, nada sian turi-turian na dibaen ni jolma hami baen hatorangan i. Na dung hami ida do dohot matanami sandiri hasangapan ni Kristus i.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

HAKIM-HAKIM 14:15

Jadi di ari paopatkon didok halahi ma tu dadaboru ni si Simson i, “Angkon elekonmu do halaklahimi anso ra ia paboahon arti ni huling-kulingan i. Anggo inda, tutungonnami ma ho dohot sude isi ni bagas ni amangmu. Harana hami boto do nada na giot mambaen hami marpogos umbahen na diundang hamu hami, nada he songon i do?”

HAKIM-HAKIM 16:5

Jadi ro ma lima halak na markuaso ni Pilistin mandapotkon anak boru i mandok, “Elek-elek ma si Simson anso diboto ho rahasia ni hagogoannia dohot sanga na bia baenon anso ulang margogo ia. Ro ma hami muse manambat dohot manaluhon ia. Jana marsilehen ma hami tu ho saribu saratus be hepeng perak.”