1 KORINTUS 16:2 - BIBEL JAMITA NA DENGGAN

² Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

1 KORINTUS 16:2 ပူးပေါင်းရင်းမြစ်များ

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

PAMUNGKAAN 33:11

Na mangido ma au, anso laing jagitonmu somba-somba na huoban on di ho. Madung dihaholongi Debata au jana dilehen di au sanga aha na porlu di au.” Sai torus ma disosoi si Jakob lopus dijagit si Esau ujungna silehen-lehen i.

2 JUJUR TAON 31:10

didok sintua ni Malim Asarya sian pinompar ni si Zadok ma tu raja i: “Sian dung dipungka halak mamboan silehen-lehen tu Bagas Ni Tuhan; sai mangan do hami jana butong jana marlobi-lobi dope bahat sajo; angke madung dipasupasu Tuhan bangsoNia, hara ni i do umbaen na lobi angka guguan on.”

MARKUS 14:8

Anggo anak boru on, ma dibaen ia intap ni na lobas gogonia. Dompak so dapot dope hatihana ma dihobasi ia hian Au dohot miak na huskus i tu hatiha hatatanomKu.

LUKAS 16:10

Sanga ise haposan di angka pangalaho na menek, haposan muse ma ia di angka pangalaho na godang. Tapi anggo halak na so jujur di angka pangalaho na menek, nada jujur muse i di angka pangalaho na godang.

LUKAS 24:1

Sogot sajo dope di Ari Minggu i, kehe ma angka dadaboru i tu kuburan maroban angka parmasak na niparade ni halahi.

JOHANNES 20:19

Laing di Ari Minggu i dung borngin marlagut ma anak sisean ni Jesus di sada bagas. Digoruk halahi ma sude pintu ni bagas i; hara ni na mabiar halahi tu angka parkuaso ni halak Jahudi. Jadi tompu ma ro Jesus jongjong di tonga-tonga ni halahi, ning Ia ma, “Hasonangan ma di hamu!”

JOHANNES 20:26

Dung salapan ari, marlagut ma mangulahi angka sisean ni Jesus di bagas i, dohot ma si Tomas disi. Margoruk do sude pintu ni bagas i. Tapi ro ma Jesus jongjong di tonga-tonga ni halahi, ning Ia ma, “Hasonangan ma di hamu!”

BAENON NI ANGKA RASUL 20:7

Di ari na parjolo ni minggu i, dompak marlagut hami giot mamonggoli roti, mangkatai ma si Paulus tu angka dongan na disi, harana marsangkap do ia laho kehe ancogotna i. Lopus tonga borngin laing didatdati si Paulus dope na mangkobari i.

2 KORINTUS 8:10

Anggo pandapotku, madung sapatutna hamu pasidungkon sanga aha tohap na nipungkamunu di taon na salpu i. Harana hamu sandiri do mamungka tohap i. Jana pikiran laho mambaen karejo na songon i pe sian hamu do haroro ni i.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.