1 KORINTUS 15:4 - BIBEL JAMITA NA DENGGAN

⁴ Madung ditanom Ia, jana mangulahi Ia dipangolu di ari patoluhon. I pe na dung tarsurat hian do i di Buku Na Badia i.

1 KORINTUS 15:4 ပူးပေါင်းရင်းမြစ်များ

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

HOSEA 6:2

Di bagasan dua tolu ari on sunggulanNia ma hita jana mangolu di bagasan pangondianNa.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 20:19

dung i pasahaton ni halahi ma Ia tu halak na asing, na so bangso Jahudi. Palayason ni halahi ma Ia, diparkanciti dung i parsilangkonon ni halahi ma Ia. Tapi dipangolu do Ia mangulahi di ari patoluhon.”

MARKUS 9:31

hara ni na mangajari anak siseanNia do Ia, jana didok Ia ma tu halahi, “Anggo Anak Ni Jolma i angkon pasahaton ma tu kuaso ni jolma. Bunuon ni halahi ma Ia, tapi mulak mangolu ma Ia dung tolu ari muse!”

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

JOHANNES 19:38

Dung i ro ma si Josep halak Arimatea mangido isin tu si Latus laho mambuat bangke ni Jesus. (Na dung gabe sisean ni Jesus do si Josep on di na buni, harana laing mabiar dope ia mida angka parkuaso ni halak Jahudi i.) Dilehen si Latus ma tusia isin, jadi kehe ma ia mambuat bangke i.

BAENON NI ANGKA RASUL 1:3

Dung mate Ia, adong do opat pulu ari honokna sai marpupu dipatidahon Ia diriNia tangkas di angka rasul i paboa na tutu do Ia mangolu. Diida halahi do Ia tangkas jana dihatahon Ia do tu halahi taringot tu Harajaan Ni Debata.

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

SURAT NI SI PAULUS TU PARLAGUTAN ROM 6:4

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

1 PETRUS 1:11

Ditangkasi halahi do sanga na bia dohot andigan hamamasa ni na nidok ni Tondi Ni Kristus i, na adong di bagasan halahi. Dipaboa Tondi i hian do hatiha i tu halahi taringot tu angka parkancitan na angkon taonon ni Kristus dohot taringot tu hagodanganNia na giot ro dung salpu parkancitanNia i.