1 KORINTUS 14:3 - BIBEL JAMITA NA DENGGAN

³ Tapi sanga ise na manyurirangi, tu jolma do ia mangkobari laho patoguhon roha ni halahi, pajopkon roha dohot mangapoi halahi.

1 KORINTUS 14:3 ပူးပေါင်းရင်းမြစ်များ

LUKAS 3:18

Songon i ma marragam-ragam dalanna dibaen si Johannes paingotkon angka halak, di na nijamitahonnia Jamita Na Denggan na sian Debata tu halahi.

BAENON NI ANGKA RASUL 13:15

Dung disise Buku Ni si Musa dohot Buku Ni angka Panurirang, disuru angka pamimpin ni ibadat na disi i ma betak adong na giot mandok hata di halahi. “Hamu ale angka dongan, betak na adong do sipaingotmunu tu angka halak na bahat on, dok hamu ma.”

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

BAENON NI ANGKA RASUL 15:32

Honok do si Judas dohot si Silas panurirang i mangkobari dohot angka dongan na porsaya i di Antiokia laho pagomos roha dohot patoguhon roha ni halahi.

BAENON NI ANGKA RASUL 4:36

Laing songon i ma dibaen si Josep, na nigoaran ni angka rasul i si Barnabas (astuanna Si Pangapoi). Marga Levi do i na sorang di Pulo Siprus.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 12:8

Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna.

SURAT NI SI PAULUS TU PARLAGUTAN ROM 14:19

Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

SURAT NI SI PAULUS TU PARLAGUTAN ROM 15:2

Gumonan do hita manjalahi hasonangan ni dongan, laho parayakkon hadenggananna jana paulihonsa.

1 KORINTUS 10:23

Ninna halak, “Tola do baenonta sanga na aha giotta.” Tutu do i! Tapi nada sude giotta i marguna. “Tola do baenonta sanga na aha giotta” – tapi nada sude na tahagioti i padenggankon ngolunta.

1 KORINTUS 14:12

Taringot tu hamu sandiri, huboto do na por rohamunu maruli angka hasurungan sian Tondi i. Tapi anggo na dumenggan, angkon marusaho do hamu laho mamake hamaloon i, mangurupi parlagutan i tu hamajuon.

1 KORINTUS 14:17

Haru denggan sajo pe tangiang tarimakasimi tu Tuhan, tapi nada adong sanga aha pe guna ni tangiang i anggo tu halak na asing.

1 KORINTUS 14:26

Antong hamu ale angka dongan, aha ma he astuan ni i sudena? Muda marlagut hamu laho marsomba tu Tuhan: Adong ma na marende, adong na mangajari, adong na paboahon sanga na aha sian Debata, adong na mangkobari di hata na so niastuan, jana adong na patorangkon sanga aha na nidokna i. Tapi sasudena i, angkon mangajari dohot padenggankon do tu sudena i nibaen.

1 KORINTUS 14:31

Jadi songon i ma dalanna anso tarbaen hamu pasada-sada manyurirangi; anso sude tarbaen marsiajar jana sudena dapotan hagogoan.

1 KORINTUS 8:1

Taringot tu sipanganon na nihaulkon tu gana-ganaan ma saonnari. Jadi tutu do songon na nidok ni halak, “Na dung marparbinotoan do hita sude.” Tapi hamaloan laho mambaen anso pagodang diri do halak, hape nian anggo holong ni roha i laho padenggankon parrohaon ni halak do i.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

2 KORINTUS 2:7

Saonnari angkon ampunanmunu ma ia jana sosoanmunu mangulahi anso ulang mamarsaktu ia gabe mandele.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

EPESUS 6:22

Hara ni i ma umbaen na husuru ia mandapotkon hamu laho paboahon sanga na bia hami tu hamu sudena laho mangapoi rohamunu.

KOLOSSE 4:8

Husuru do ia manopot hamu anso diboto hamu sanga na bia hami jana anso tarapul rohamunu.

1 TESSALONIKA 2:11

Diboto hamu do, songon sada ama maradopkon angka dakdanakna do pambaennami maradopkon hamu.

1 TESSALONIKA 2:3

Harana nada tu na paliluhon anggo sipaingotnami maradopkon hamu; nada muse adong disi maksudnami na so ias sanga na giot mangakal-akali.

1 TESSALONIKA 3:2

jadi hami suru ma si Timoteus donganta i. Dongan saparkarejoan di Debata do ia na markarejo manjamitahon Jamita Na Denggan taringot tu Kristus i. Hami suru do si Timoteus manopot hamu, anso dipatogu ia rohamunu jana disosoi ia anso mur togu haporsayaanmunu,

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

1 TESSALONIKA 4:18

Antong marsipatoguan roha ma hamu, mardongan angka pandohan on.

2 TESSALONIKA 3:12

Mangasahon kuaso ni Tuhan Jesus Kristus, hami sosohon tu angka halak sisongon i jana hami paingotkon tu halahi, anso burju halahi markarejo, marsijalahi balanjona be ma halahi.

1 TIMOTEUS 1:4

Paingot ma halahi, anso ulang sai kehe be roha ni halahi tu angka turi-turian bope angka barita ni asal mula na so marnasidung. Hum parohon partangkangan sajo do i jana nada mambaen maju sangkap ni Debata na bisa taboto hum sian haporsayaan sajo.

1 TIMOTEUS 4:13

Jadi laing haburjuhon ma manyise Buku Na Badia i tu halak, dohot manyosoi bope mangajari halahi lopus ro au.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

TITUS 1:9

Angkon halak na togu marsitiopan tu hata na tutu, i ma jamita sihaporsayaan songon na niajarkon i tusia. Jadi dohot dalan na songon i malo ma ia paingot halak hombar tu pangajaran na sintong jana malo ma ia manudu hasalaan ni halak na mangalo tusia.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

TITUS 2:6

Paingot muse ma angka na poso anso malo mangarajai dirina.

TITUS 2:9

Angka hatoban angkon mangoloi do tu tuanna, jana di sude pangalaho angkon pasonangon ni halahi ma roha ni tuanna. Nada tola halahi mangalo na nidok,

IBRANI 10:25

Ulang ma tatinggalkon parlagutanta i, songon na nibaen ni na deba. Angkon mur umburju ma nian hita marsipaingotan sama hita, angke taboto do, ro ne ma Tuhan i.

IBRANI 13:22

Hupaingot ma hamu ale dongan, jagit hamu ma hata sipaingot i, angke saotik do isi ni suratkon tu hamu.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

1 PETRUS 5:12

Na niurupan ni si Silas do au mambaen surat na pendek on tu hamu; huetong do ia sada dongan Kristen na burju. Hubaen pe surat on tu hamu na giot manyosoi hamu do dohot paposkon rohamunu, taringot tu asi ni roha ni Debata na sintong. Togu ma hamu marsitiopan tu asi ni roha i.

JUDAS 1:20

Tapi anggo hamu ale angka dongan, tambori hamu ma ngolumunu mardongan haporsayaan tu Tuhan; ias sun do haporsayaanmunu i. Laing martangiang ma hamu mardongan kuaso ni Tondi Parbadia