1 KORINTUS 13:8 - BIBEL JAMITA NA DENGGAN

⁸ Nada ra luntur holong ni roha i. Anggo hamaloon laho manyurirangi, di sada hatiha abis do i dibaritahon. Taringot tu hamaloon laho mangkobari di hata na marragam-ragam na so niastuan i, di sada hatiha mago do i. Taringot tu hamaloon laho mangastui sasude, sada hatiha mago do i.

1 KORINTUS 13:8 ပူးပေါင်းရင်းမြစ်များ

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.

BAENON NI ANGKA RASUL 19:6

Jadi hatiha dipayakkon si Paulus tangannia tu ginjang ni halahi, digohi Tondi Parbadia ma halahi jadi mamungka ma halahi mangkobari di angka hata na asing jana dipajojor halahi ma hata ni Debata.

BAENON NI ANGKA RASUL 2:4

Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.

1 KORINTUS 12:10

Tu na sada dilehensa kuaso mambaen hahomangan jana tu na asing dilehen muse hasurungan laho manyurirangi. Tu na asing muse dilehen Tondi i do gogo laho patandahon parasingan ni silehen-lehen ni gogo na sian Tondi Parbadia dohot na so sian Tondi Parbadia. Adong do i na nilehen gogo laho mangkobari dohot hata na marragam-ragam boti na so niastuan, jana adong muse do na nilehen gogo laho patorangkon angka hata na marragam i.

1 KORINTUS 13:10

Sanoli on muda dung ro na sanggam i, gabe mago ma disi na so sanggam i.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

1 KORINTUS 14:39

Hara ni i hamu ale angka dongan, parayak hamu ma na manyurirangi i, tapi ulang gabe antahi hamu halak na giot mangkobari di angka hata na so niastuan.

1 KORINTUS 8:2

Sanga ise na mangetong dirina na dung bahat na binotona, anggo satutuna na so binotonia dope i sabagas-bagasna.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.