1 KORINTUS 13:7 - BIBEL JAMITA NA DENGGAN

⁷ Sanga aha pe na ro, tahan do holong ni roha i jana dihaporsayaisa do sude; anggo holong ni roha i nada unjung mago pangkirimonna jana sai sobar do i manaon sasudena.

1 KORINTUS 13:7 ပူးပေါင်းရင်းမြစ်များ

PAMUNGKAAN 29:20

Jadi karejo ma si Jakob pitu taon honokna anso dapot ia si Rahel, jana songon na manyalpui piga-piga ari sajo do dihilala ia na pitu taon i hara ni holong ni rohania mida anak boru i.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

PODA 10:12

Goyak ni roha patubu partongkaran; holong ni roha mangampuni sudena hasalaan.

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

MARKUS 9:23

“Dialusi Jesus ma: Didok ho: Anggo tartolong Ho?” “Nada adong na so tarbaen di halak na porsaya!”

SURAT NI SI PAULUS TU PARLAGUTAN ROM 15:1

Anggo hita na margogo, angkon manaon hagaleon ni angka na so margogo do. Ulang ma tajalahi hasonangan ni dirinta sandiri.

SURAT NI SI PAULUS TU PARLAGUTAN ROM 8:24

Angke madung dipalua hita, haru pe laing di bagasan arop ni roha. Tapi muda dung taida na niarop ni rohanta i, nada arop ni roha be na songon i. Harana, ise ma he na sai mararop ni roha tu na dung niidana?

1 KORINTUS 13:4

Sobar do holong ni roha i jana burju. Nada mangiburu anggo holong ni roha i, inda marhata manggang, nada ginjang rohana.

1 KORINTUS 9:12

Muda adong hak ni halak na asing manjagit sisongon i sian hamu, inda he umbahatan dope haknami ulang halahi? Tapi anggo au nada hupake dope hak na songon i. Gumonan dope hutaonkon sasudena timbang mambaen ambat-ambat laho pararatkon Jamita Na Denggan taringot tu Kristus i.

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.

PANGARATAION 1:9

Didok si Musa ma tu bangso i, “Dompak di Dolok Sinai hita, hudok do tu hamu, ‘Maborattu do muda hum au sajo manogu-nogu hamu. Nada lobas au i sasada au, dibaen

PANGARATAION 22:27

Dipaksa ia bujing-bujing na dung martunangan marcampur dohot ia di ladang, jadi haru pe mangangguhi ia mangido tolong, nada adong halak na ro mangurupisa.

2 TESSALONIKA 1:4

Hara ni i do umbaen na hami puji hamu di tonga-tonga ni sude angka parlagutan ni Debata. Sian godang ni rohanami, hami paboa do sanga na bia togu ni rohamunu dohot haporsayaanmunu tu Kristus i di tonga-tonga ni siksaan dohot parkancitan na nitaonmunu.

2 TIMOTEUS 2:24

Anggo naposo ni Tuhan nada tola martongkari; angkon rama do tu halak sudena, jana tarajarisa halak na asing denggan jana sobar.

2 TIMOTEUS 3:11

Madung diida ho au dibalbalan jana markancit au. Diboto ho do sude na tarjadi tu au di Antiokia, di Ikonium dohot di Listra; jana diboto ho do sude na hutaon i! Tapi malua do au dibaen Tuhan sian sudena i.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.