1 KORINTUS 12:3 - BIBEL JAMITA NA DENGGAN

³ Hara ni i hupabotohon ma tu hamu anggo halak na dipimpin ni Tondi Parbadia nada tardok halahi, “Sai hona bura ma Jesus!” Laing songon i muse nada adong sahalak pe na malo mandok, “Jesus do Tuhan!” anggo inda digohi Tondi Parbadia halakna i.

1 KORINTUS 12:3 ပူးပေါင်းရင်းမြစ်များ

MASMUR 109:20

O Tuhan, dabu ma uhuman i tu musungku, tu halak na mandok hata na jat tu au.

MATEUS 22:43

“Antong anggo songon i, hara ni aha do umbaen na disosoi Tondi i si Daud laho manggoari Ia songon Tuanna? Angke didok si Daud,

MARKUS 9:39

Tapi didok Jesus ma, “Ulang pola antahi hamu ia. Angke anggo halak na baru mambaen hahomangan mamake goarKu, inda ra ia manigor santongkin i mangkobari na jat taringot tu Au.

JOHANNES 13:13

Digoari hamu do Au Guru dohot Tuhan. Tutu do na nidokmunu i; harana Guru do Au tutu jana Tuhan.

JOHANNES 13:14

Jadi muda Au Tuhan dohot Gurumunu mamasu patmunu, hamu pe angkon marsibasuan pat ni donganna ma hamu.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

BAENON NI ANGKA RASUL 8:37

Didok si Pilipus ma, “Anggo na dung porsaya do tuan i sian sandok roha, nada pola sala be tardidi tuan i.” “Porsaya do au Anak Ni Debata do Jesus Kristus,” ning bayo parpangkat na sian Etiopia i.]

SURAT NI SI PAULUS TU PARLAGUTAN ROM 10:9

Angke sugari dioku ho markite-hite pamanganmu, “Ia do Tuhan,” jana porsaya ho di bagasan rohamu, na dung dipangolu Debata Jesus sian hamatean, malua ma ho.

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

1 KORINTUS 16:22

Sanga ise na so manghaholongi Tuhan Jesus, padiar ma diuhumi Debata ia. Maranatha – sigop ma Ho ro, Tuhan!

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

2 KORINTUS 11:4

Harana sai jop do rohamunu manjagit sanga ise na ro mandapotkon hamu jana mangajarkon Jesus na asing – nada Jesus na hami ajarkon i tu hamu. Jana dijagiti hamu do “Tondi” dohot “Jamita Na Denggan” na tangkas sajo marasing sian Tondi Parbadia dohot sian Jamita Na Denggan na dung nijagitmunu sian hami.

2 KORINTUS 3:5

Nada adong sanga aha anggo di bagasan dirinami sipangasahonon na mambaen hami sanggup mambaen karejo on, na nilehen ni Debata do hamaloon i di hami.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

PANGARATAION 21:23

nada tola padiaron bangke i disi saborngin i, tapi angkon di na sadari i do i kuburkonon, angke mangalap uhum ni Debata do bangke na gantung di tiang i. Dikuburkon ma bangke i anso ulang dipahodar hamu tano na giot silehenon ni Tuhan Debatamunu i di hamu.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.