1 KORINTUS 10:7 - BIBEL JAMITA NA DENGGAN

⁷ Boti muse anso ulang tasomba gana-ganaan songon na nibaen ni deba sian halahi, songon na tarsurat, “Jadi juguk ma bangso i mangan dohot minum, dung i jongjong ma halahi jana manortori.”

1 KORINTUS 10:7 ပူးပေါင်းရင်းမြစ်များ

HARURUAR 32:17

Di na nibege ni si Josua sora ni bangso i marsurak-surak, lalu didok ia ma tu si Musa, “Adong tarbege sora na gogo, surak-surak ni porang di parbandaran i.”

HARURUAR 32:19

Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

HARURUAR 32:4

Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

1 KORINTUS 10:14

Hara ni i hamu ale angka dongan, padao hamu ma rohamunu sian na marsomba gana-ganaan.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

1 KORINTUS 8:7

Tapi nada sude halak umboto i. Adong dope halak na tarihot tu gana-ganaan, mangankon juhut songon na nihaulkon tu gana-ganaan, jana na gale dope panggora ni roha ni halahi. Hara ni i gabe dihodari ma panggora ni roha i.

PANGARATAION 9:12

Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

1 JOHANNES 5:21

Hamu angka dakdanakku, padao hamu ma dirimunu sian angka gana-ganaan!