1 KORINTUS 10:4 - BIBEL JAMITA NA DENGGAN

⁴ jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

1 KORINTUS 10:4 ပူးပေါင်းရင်းမြစ်များ

PAMUNGKAAN 40:12

Didok si Josep ma, “On ma astuanna: Dangka na tolu i, astuanna tolu ari.

PAMUNGKAAN 41:26

Anggo na nidok ni lombu na mokmok na pitu i, i ma pitu taon, jana pitukamburir eme na porngis i pe, laing pitu taon do na nidokna, sarupa do astuan ni i.

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 78:15

Dibola Ia batu di padang halongonan, dilehen Ia halahi minum songon bahat ni aek di lautan.

MASMUR 78:20

Tutu do nian dipotuk Ia batu na koras, gabe mardalan aek na doras. Tapi margogo ma he Ia pasingkop roti dohot mangalehen juhut dison tu bangso i?”

HARURUAR 17:6

Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

JESAYA 43:20

Hupadalan batang aek di parhorsihan anso dapotan aek bangso na Hupili i. Gabe dohot ma binatang harangan pasangapkon Au, sorigala dohot unto pe pujionna noma Au.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 7:17

Didok ia ma, “Binatang na godang na opat i, i ma opat harajaan na giot ro di tano on.

BILANGAN 20:11

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

GALATIA 4:25

Jadi si Hagar ma Dolok Sinai na di tano Arab, jana sarupa do i dohot Jerusalem na saonnari, harana mangolu di bagasan parhatobanan do ia rap dohot angka dakdanaknia.

PANGARATAION 9:21

Antong patung na nibaenmunu i – lombu sere – huambungkon noma tu api. Huropuk ma i jana hududa lopus lamot songon abuan, lalu huambungkon ma abuna i tu bagasan anak ni batang aek na mardalan sian dolok i.

KOLOSSE 2:17

Halinu ni angka pangalaho na giot ro do sudena i, tapi anggo na satutuna Kristus do!

IBRANI 10:1

Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!