1 KORINTUS 10:1 - BIBEL JAMITA NA DENGGAN

¹ Hamu ale angka dongan! Angkon tangkas do ingotonmunu sanga aha na tarjadi tu angka ompunta di na mangihutkon si Musa halahi. Dilinggomi ombun halahi sude, jana horas do halahi sude manaripari Laut Na Rara i.

1 KORINTUS 10:1 ပူးပေါင်းရင်းမြစ်များ

NEHEMIA 9:19

Hape nada ditadingkon Ho halahi di gurun pasir i, dibaen na gok holong ni roha do Ho antong. Nada diumpat Ho tiang ombun dohot api mangulahi, na patudu dalan ni halahi arian dohot borngin ni ari.

MASMUR 105:39

Dilinggomi Tuhan anakNia i marhite ombun; muda borngin, dilehen Ia di halahi api patorang dalan.

MASMUR 66:6

Dipauba Ia laut i gabe tano na hiang, ditaripari ompunami do i mardalan pat. Dibaen i marjop ni roha hami hara ni sude pambaenanNa i.

MASMUR 78:53

Sonang jana nada mabiar halahi di panoguNia tapi didondoni hamatean do anggo musuna.

HARURUAR 14:29

Hape di na taripar halak Israel di laut i, mardalan di tano na mahiang do halahi, martembok aek di siamun siambirangna.

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

BILANGAN 14:14

Jana nadung dibaritahon halahi do angka pangalaho i tu halak na maringanan di luat on. Jadi madung diboto halahi, na rap do Ho dohot hami. Jana madung dibege halahi, bahaso tarida do Ho tangkas muda maradian ombunMu di ginjangnami, dijoloi Ho do hami mardongan tiang ombun muda arian, jana marhite tiang api muda borngin.

BILANGAN 33:8

Dung i ditinggalkon halahi ma Pi Hahirot torus manaripari Laut Rara dung i torus tu Parhorsihan Zur dung tolu ari di pardalanan, marbandar ma halahi di Mara.

JOHANNES 4:20

“Anggo angka ompunami di dolok on do marsomba, tapi anggo Ho mandok hum di Jerusalem sajo do inganan ni halak marsomba.”

SURAT NI SI PAULUS TU PARLAGUTAN ROM 1:13

Hamu ale angka dongan! Por do rohangku nian sugari tibu diboto hamu na dung jotjot sai giot ro au mandapotkon hamu, hape sai tongtong dope adong halanganna. Por do rohangku sugari laing dohot ma nian di tonga-tongamunu adong guna ni karejongku, songon na hubaen di tonga-tonga ni angka bangso na asing na dung marsuha di angka inganan na asing.

SURAT NI SI PAULUS TU PARLAGUTAN ROM 11:21

Dibaen muda nada di haholongi Debata angka dangka na humani i, Ia pe nada mangkaholongi ho!

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

1 KORINTUS 12:1

Taringot tu angka silehen-lehen ni Tondi ma saonnari. Giotku nian ulang so tangkas diboto hamu sasintongna taringot tusi.

1 KORINTUS 14:38

Tapi betak sai adong na so manjagit on, ulang pola pardulihon hamu halakna i.

GALATIA 3:29

Muda nampuna ni Kristus do hamu, gabe pomparan ni si Abraham ma hamu. Marhak do hamu manjagit sanga aha na dung nijanjihon ni Debata.

PANGARATAION 1:33

haru pe sai tongtong dijoloani Ia hamu laho manjalahi inganan parbandaran di hamu. Dijoloani Ia do hamu laho patuduhon dalan, di bagasan tiang api taran borngin dohot tiang ombun muda di arian.”

IBRANI 11:29

Hara ni haporsayaan, gabe tartaripari halak Israel do Laut Rara songon na mamolus di tano na mahiang, hape anggo halak Mesir dibondut laut i do di na nicubo ni halahi manyiborang muse.

JOSUA 4:23

Caritohon hamu ma tu angka dakdanakmunu i bahaso na nipahiang ni Tuhan Debatamu Batang aek Jordan di hamu lopus lalu hamu sude di bariba, laing songon Laut Rara na nipahiangnia di hamu.