1 KORINTUS 1:8 - BIBEL JAMITA NA DENGGAN

⁸ Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

1 KORINTUS 1:8 ပူးပေါင်းရင်းမြစ်များ

MASMUR 37:17

Angke ponggolkonon ni Tuhan do kuaso ni parjahat, tapi lehenonNia do pangondian tu halak na tigor.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

LUKAS 17:24

Songon parsinondang ni hilap di langit, na torang sian ujung tu ujung, songon i ma pangalaho ni Anak Ni Jolma i di ariNa i.

LUKAS 17:30

Songon i ma pangalahona saulahon muda di ari hataridaan ni Anak Ni Jolma i.”

SURAT NI SI PAULUS TU PARLAGUTAN ROM 14:4

Tarbia ma he hajolmaonmu umbaen na jabat diuhumi ho naposo ni halak na asing? Sanga na tungkap naposo i sanga na jongjong, inda he urusan ni tuannia i do i? Jana denggan do ia jongjong angke marguru di Tuhan do mambaen ia jongjong.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 8:19

Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.

1 KORINTUS 3:13

Muda ro saulahon Kristus, disi pe anso tarida parkarejoan ni halahi be. Harana api paruhuman do pataridahon karejo ni ganop be. Api i ma na manguji jana manontuhon hadengganan ni karejo i.

1 KORINTUS 5:5

angkon pasahatonmunu do halak na songon i tu Sibolis anso disegohon pamatangna i jana di na songon i paluaon ma tondina di na ro mangulahi Tuhan i.

2 KORINTUS 1:13

Anggo na hami suratkon tu hamu, hum angka na tarsise dohot na haastuan hamu sajo do. Saonnari nada haastuan hamu hami satangkas-tangkasna, tapi laing arop do rohangku muse gabe tangkas botoonmunu taringot tu hami.

2 KORINTUS 1:14

Jadi muda ro Tuhan Jesus muse, moga ma hamu hara ni hami songon moga ni rohanami di hamu.

2 KORINTUS 1:21

Debata sandiri do na mambaen hami dohot hamu gabe togu marsada dohot Kristus; laing Ia muse do na mamiahi hita.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

PILIPPI 1:10

anso malo hamu mamili na dumenggan. Muda songon i do hamu, ias ma ngolumunu sian tihas dohot tilako sanga aha pe di haroro ni ari ni Kristus mangulahi.

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

KOLOSSE 1:22

Tapi anggo saonnari madung dipadame Ia hamu di bagasan pamatangNia markite-hite hamatean i, anso badia hamu, nada martihas jana na so sipincangon maradopkon Ia.

KOLOSSE 2:7

jana marurat tuSia ma hamu. Pajongjong hamu ma ngolumunu jana Kristus ma baen hamu ojahanna. Sugari mur margogo ma nian haporsayaanmunu hombar tu na dung diajarkon tu hamu. Jana sai mur marsigorgor ma rohamunu mandok tarimakasi.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

2 TESSALONIKA 2:2

Ulang ma manigor ganggu sanga tarsonggot rohamunu hara ni angka barita na mandok, na dung ro Ari Ni Tuhan i. Betak sian na hasusuran do haroro ni barita i sanga na nidok halak sajo do; sanga betak na adong do halak na mandok jungada hami suratkon songon i di suratnami.

2 TESSALONIKA 3:3

Tapi haposan do anggo Tuhan i. PatoguonNia do hamu jana jagohononNa sian na jahat.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.