1 KORINTUS 1:2 - BIBEL JAMITA NA DENGGAN

² tu parlagutan ni Debata na di Korintus, i ma angka na diparbadiai di bagasan Kristus Jesus jana na nipiohon gabe angka halak na badia, dohot tu sude halak di sude ingananna, na mamiohon goar ni Tuhanta Jesus Kristus, i ma Tuhan ni halahi dohot Tuhanta.

1 KORINTUS 1:2 ပူးပေါင်းရင်းမြစ်များ

PAMUNGKAAN 12:8

Dung salpu i pinda ma ia tu Selatan tu luat na mardolok-dolok di Habincaran ni Betel. Jana dipajongjong ia ma disi undung-undungnia di holang-holang ni Betel di Hasundutan dohot Ai di Habincaran. Laing dipajongjong ia muse do disi sada langgatan parsombaan tu Tuhan, laing dipio ia ma goar ni Tuhan disi.

PAMUNGKAAN 4:26

Adong ma anak ni si Set na margoar si Enos. Mamungka di hatiha i ma didok halak goar ni Tuhan Na Badia i muda maribadat tuSia.

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 15:9

Nada mardia imbar hita sian halahi dibaen Debata. Dipaias Ia do roha ni halahi, hara ni na porsaya halahi.

BAENON NI ANGKA RASUL 18:1

Dung i kehe ma si Paulus sian Atena, lalu ma ia tu Korintus.

BAENON NI ANGKA RASUL 22:16

Saonnari pe, ulang be palolot paintehon. Jongjong ma ho anso nipandidihon. Pio-pio ma ho mangido tolong tu Tuhan anso dipalua ho sian angka dosami.’ ”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 9:13

Dialusi si Ananias ma, “Bahat do hubege hata ni halak Tuhan, taringot tu bayo i, tarlobi taringot tu angka parkancitan na nibaennia maradopkon halakMu na badia i di Jerusalem.

BAENON NI ANGKA RASUL 9:14

Jana saonnari ro do ia maroban surat isin sian angka sintua ni malim laho manangkupi sanga ise na porsaya tu Ho.”

BAENON NI ANGKA RASUL 9:21

Homang ma sude halak pabege-bege si Saulus. Didok halahi ma, “Nada he on do ibana na di Jerusalem i, na mamunu sude halak na mamio goar ni Jesus? Na niharohonnia pe tuson na giot manangkup halahi do anso obanonnia tu angka sintua ni malim!”

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

1 KORINTUS 12:27

Hamu sudena rap pamatang ni Kristus do hamu, jana pasada-sada hamu bagian ni pamatang i do.

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

1 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

2 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Amanta, dohot Tuhan Jesus Kristus.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

1 TIMOTEUS 3:15

betak sai tarlambat au anso diboto ho hian sanga na bia sapatutna hita mangolu songon halak na sabagas dohot Debata, i ma parlagutan ni Debata na mangolu. Parlagutan i ma na songon tiang partunggul ni hasintongan ni Debata.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 13:12

Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.

IBRANI 2:11

Dibaen sian Sada do haroroan ni sude halahi, bope Ia na pabadiahon, bope halahi na niparbadiai, hara ni i do nada maila Ia manggoari halahi kahanggi.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”