1 JOHANNES 5:9 - BIBEL JAMITA NA DENGGAN

⁹ Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.

1 JOHANNES 5:9 ပူးပေါင်းရင်းမြစ်များ

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

BAENON NI ANGKA RASUL 5:32

Hami ma saksi ni i sude – hami dohot Tondi Parbadia na nilehen ni Debata tu angka na mangoloi parentaNia.”

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.

1 JOHANNES 5:8

Tondi Parbadia, aek dohot mudar. Sarupa do hasaksian ni na tolu i.