1 JOHANNES 5:8 - BIBEL JAMITA NA DENGGAN

⁸ Tondi Parbadia, aek dohot mudar. Sarupa do hasaksian ni na tolu i.

1 JOHANNES 5:8 ပူးပေါင်းရင်းမြစ်များ

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

MARKUS 14:56

Sude saksi na nipiohon i, hum gabus do bahat dipardokkoni halahi taringot tu Jesus. Hasaksian ni halahi i pe marsialoan ma i na sada tu na asing.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

JOHANNES 19:34

Tapi ro ma sada tentara i, disusukkon ia ma hujur tu rusuk ni Jesus; manigor haruar ma mudar na marcampur aek sian rusukNa i.

BAENON NI ANGKA RASUL 15:15

Mardomu do i tu hata ni angka panurirang, songon na tarsurat,

SURAT NI SI PAULUS TU PARLAGUTAN ROM 8:16

Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

IBRANI 13:12

Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,

1 JOHANNES 5:9

Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.