1 JOHANNES 5:20 - BIBEL JAMITA NA DENGGAN

²⁰ Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

1 JOHANNES 5:20 ပူးပေါင်းရင်းမြစ်များ

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 10:30

Sada do Au dohot Damang.”

JOHANNES 14:20

Di hatiha i tangkas ma botoonmunu, na di bagasan Damang do Au, hamu pe di bagasan Au jana Au di bagasan hamu.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JOHANNES 15:4

Tinggal ma hamu di bagasan Au, jana Au di bagasan hamu. Anggo ranting, nada tarbaen marbatu sian dirina, anggo so tinggal di bona ni anggur i. Laing songon i do muse hamu muda so tinggal di bagasan Au.

JOHANNES 17:14

Madung Hupalalu tu halahi pangajaran ni Damang jana dihosom portibi on do halahi, angke nada portibi on nampuna halahi; laing sarupa ma i tu Au na so nampuna ni portibi on.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

2 KORINTUS 5:17

Sanga ise na dung marsada dohot Kristus, madung gabe na nitompa na imbaru. Madung salpu na honok i – madung gabe imbaru sasudena.

EPESUS 3:18

Hutangiangkon do anso rap dohot halak na porsaya, tarsuhat hamu nian sanga na sadia bidangna dohot ginjangna dohot gincatna bope bagasna holong ni roha ni Kristus i,

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

1 JOHANNES 2:23

Barang ise na mangoku Anak i, disia muse do Ama i.

1 JOHANNES 2:24

Antong, jamita na dung nibegemunu sian mulana, denggan ma i jagohon hamu di bagasan rohamunu. Muda denggan diparrohahon hamu jamita i, tongtong do marsada hamu di bagasan Anak i, bope di bagasan Ama i.

1 JOHANNES 2:6

Sanga ise na mandok na marsada ngoluna dohot Debata, angkon laing songon Jesus Kristus ma muse ngoluNia.

1 JOHANNES 4:14

Madung hami ida sandiri Anak Ni Debata, jana saonnari hami saksihon, na dung disuru Ama i do Ia ro tu portibi on anso gabe Sipalua di portibi on.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

1 JOHANNES 4:2

Songon on ma baen hamu laho mananda sanga Tondi Parbadia do tondi i sanga nada: Sanga ise na mangoku Jesus Kristus ro tu portibi on gabe jolma, na sian Debata ma Tondi na adong di halahi.

1 JOHANNES 5:1

Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.

1 JOHANNES 5:15

Antong, dibaen taboto do na nitangihonNia hita muda mangido hita tuSia, gabe taboto muse ma na lehenonNia do sanga aha na tapangido tuSia.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

1 JOHANNES 5:5

Ise ma he na tarbaen manaluhon hajahatan ni portibi on? Hum halak na mangkaporsayai bahaso na tutu do Jesus Anak Ni Debata.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

HALUMBAAN 3:14

“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”