1 JOHANNES 4:9 - BIBEL JAMITA NA DENGGAN

⁹ Dipataridahon Debata do holong ni rohaNia tu hita di na nisurunia AnakNia na sasada i tu portibi on anso tarbaen hita mangolu markite-hite AnakNia.

1 JOHANNES 4:9 ပူးပေါင်းရင်းမြစ်များ

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

MARKUS 12:6

Ise noma na tarsuru nampunaan i? Hum sahalak sajo noma, i ma anaknia sandiri haholongan ni rohania i. Jadi ujungna laing disuru ia ma anaknia i mandapotkon angka na markarejo i. ‘Tontu argahonon ni halahi do anakki,’ ning rohania.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JOHANNES 10:10

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

JOHANNES 3:18

“Sanga ise na porsaya tuSia nada be uhuman ni Debata di adopan ni paruhuman. Tapi anggo na so porsaya madung ditoru ni uhuman ni Debata, hara ni na so porsaya ia tu Anak Ni Debata Na Sasada i.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

JOHANNES 6:57

Damang na mangolu i do na marsuru Au jana Au pe na mangolu sian Damang i do. Laing songon i muse ma na mangankon pamatangKu, laing sian Au ma ia mangolu.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

JOHANNES 8:42

Dung i didok Jesus ma tu halahi, “Sugari na tutu Debata Amangmunu, angkon holong do rohamunu tu Au, harana, tutu do Au na ro sian Debata. Nada sian roha-rohangKu umbaen na ro Au. Na nisuruNia do Au.

JOHANNES 9:3

Dialusi Jesus ma, “Mapitung pe ia nada hara ni na mardosa ia jana nada hara ni na mardosa simatobangnia. Mapitung pe ia anso diida halak do kuaso ni Debata markarejo di bagasan dirinia.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

IBRANI 1:5

Na so jungada do didok Debata tu sada surusuruan, “AnakKu do Ho; Sadari on ma Au gabe AmangMu.” Na so jungada muse do didok Debata songon on sanga na tu surusuruan dia pe, “Gabe AmangNia ma Au, jana Ia ma gabe AnakKu.”

1 JOHANNES 3:16

Anggo hita, sian on do tatanda holong ni rohaNia: Madung dipasahat Kristus ngoluNia humopkop hita! Hara ni i, hita pe angkon pasahatonta do ngolunta manghopkop angka donganta.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

1 JOHANNES 5:11

On do hasaksian i: Madung dilehen Debata di hita ngolu na manongtong; jana AnakNia i do mual haroroan ni ngolu na manongtong i.

1 JOHANNES 5:13

Hubaen pe surat on tu hamu angka na mangkaporsayai Anak Ni Debata anso diboto hamunu do na dung maruli ngolu na manongtong i hamu.