1 JOHANNES 4:8 - BIBEL JAMITA NA DENGGAN

⁸ Sanga ise na so marholong ni roha, nada ditanda i Debata; angke holong ni roha do Debata i.

1 JOHANNES 4:8 ပူးပေါင်းရင်းမြစ်များ

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

EPESUS 2:4

Tapi na godang do denggan ni roha ni Debata! Songon i ma holong ni rohaNia tu hita.

IBRANI 12:29

Angke songon api na mangabiskon do tutu anggo Debatanta i.

1 JOHANNES 1:5

Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.

1 JOHANNES 2:4

Sanga ise na mandok, “Hutanda do Debata,” hape nada dioloi ia angka tona ni Debata, pargabus do halak na songon i, jana na so adong do maringanan jamita na sintong i na sian Debata di bagasan rohania.

1 JOHANNES 2:9

Sanga ise na mandok maringanan ia di na torang hape goyak do rohania mida donganna, laing na di bagasan hagolapan dope ia lopus saonnari.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:6

Hara ni i sude halak na tinggal di bagasan Ia, nada be mangkarejohon dosa; ganop halak na tongtong mangkarejohon dosa nada marnida jana nada mananda Ia.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.