1 JOHANNES 4:6 - BIBEL JAMITA NA DENGGAN

⁶ Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

1 JOHANNES 4:6 ပူးပေါင်းရင်းမြစ်များ

2 JUJUR TAON 18:21

Dialusi tondi i ma, ‘Kehe ma au jana hubaen ma margabus sude panurirang ni si Ahab i.’ Didok Tuhan ma, ‘Antong denggan, patulus ma i, jadi do tarelek ho ia.’ ”

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

MIKA 2:11

Sugari ro sahalak na sai margabus, ‘Paboanku ma hasurirangon tu hamu, taringot tu anggur dohot arak.’ Jadi ia do na patut manyurirangi tu bangso on!”

MIKA 3:8

Tapi anggo taringot tu diringku, na dung digohi Tuhan do au dohot tondiNa bope dohot kuasoNia. Dilehen Ia do di au parbinotoan taringot tu hatigoran, jana dilehen Ia do di au habaranion laho patangkaskon tu halak Israel angka dosa na nibaen ni halahi.

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 10:3

Jadi diungkap panjago i ma pintu i tu parmahan i, jana ditangihon angka biri-biri i ma sora ni parmahan i di na nipiohonnia angka biri-birinia i hombar tu goar-goarna be; dung i dioban ia ma halahi tu ruar.

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

JOHANNES 14:17

i ma Tondi ni hasintongan. Nada tarjagit portibi on Tondi i, angke nada diida portibi on Ia jana nada ditanda halahi muse. Tapi anggo hamu, ditanda hamu do Tondi i angke rap dohot hamu do Ia tongtong mangolu, jana di bagasan hamu muse do Ia.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

JOHANNES 8:23

Dung i didok Jesus ma tu halahi, “Sian toru on do hamu ro; tapi anggo Au sian ginjang do. Hamu sian portibi on do; tapi anggo Au nada sian portibi on.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 11:8

Songon na tarsurat, “Lopus tu ari sadari on madung dilehen Debata di halahi tondi parpodom, mata na so marnida dohot pinggol na so marbinege.”

1 KORINTUS 14:37

Betak sai adong halak na mangkilala dirina maruli silehen-lehen laho manyurirangi sanga maruli ia di silehen-lehen na asing sian Tondi i, angkon tangkas ma botoon ni halakna i, parenta ni Tuhan do sanga aha na husuratkon on.

2 KORINTUS 10:7

Angkon botoonmunu sugari pangalaho na satutuna. Muda dihaposi roha ni sada halak do nampuna ni Kristus ia, dipareso ia ma mangulahi dirinia jana diboto ia ma, hami pe laing nampuna ni Kristus do songon ia.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

1 TIMOTEUS 4:1

Torang do didok Tondi i anggo tu angka hatiha na giot ro, marbalik ma deba halak sian haporsayaan i. Angka tondi na mangaliluhon noma oloan ni halahi, jana pangajaran ni angka setan noma ihutkononna,

2 PETRUS 3:2

Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

1 JOHANNES 4:8

Sanga ise na so marholong ni roha, nada ditanda i Debata; angke holong ni roha do Debata i.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

JUDAS 1:17

Tapi anggo hamu ale dongan na nihaholongan, ingot hamu ma sanga aha na nidok ni angka rasul ni Tuhanta Jesus Kristus hian najolo.