1 JOHANNES 4:21 - BIBEL JAMITA NA DENGGAN

²¹ Antong, on ma tona na nilehen ni Kristus tu hita: Sanga ise na mangkaholongi Debata angkon laing dihaholongi ia muse ma dohot donganna.

1 JOHANNES 4:21 ပူးပေါင်းရင်းမြစ်များ

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

MATEUS 5:43

“Madung dibege hamu taringot tu pangajaran on: Haholongi ma donganmu, goyak ma rohamu mida alomu.

LUKAS 10:37

Dialusi ia ma, “Halak na maribo ni roha tu bayo i.” “Antong, kehe ma ho jana baen muse ma songon i!” ninna Jesus tusia.

JOHANNES 15:12

On ma parentangKi; angkon marsihaholongan do hamu sama hamu, songon pangkaholongingKu di hamu.

GALATIA 5:14

Angke sude Tona i dipasada do di bagasan sada parenta na mandok, “Angkon haholonganmu do donganmu jolma songon pangkaholongimu di dirimu sandiri.”

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

1 TESSALONIKA 4:9

Nada pola porlu be suratkononnami tu hamu anggo taringot tu na manghaholongi dongan sahaporsayaan sanga na bia baenonmunu. Hamu sandiri pe madung diajari Debata anso marsihaholongan.

1 PETRUS 3:8

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.

1 PETRUS 4:8

Tapi na umporlu sian sasudena i, marsihaholongan ma hamu sama hamu, angke muda marsihaholongan hamu gabe bahat ma dosa disesa.

1 JOHANNES 2:7

Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.

1 JOHANNES 3:11

Sian mulana madung dipaboa jamita on tu hamu: Angkon marsihaholongan do hita sama hita.

1 JOHANNES 3:14

Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

1 JOHANNES 4:11

Hamu angka dongan na nihaholongan, muda songon i ma pangkaholongi ni Debata tu hita, hita pe angkon marsihaholongan ma sama hita.