1 JOHANNES 4:19 - BIBEL JAMITA NA DENGGAN

¹⁹ Marholong ni roha pe hita, hara ni na dung parjolo do Debata mangkaholongi hita.

1 JOHANNES 4:19 ပူးပေါင်းရင်းမြစ်များ

LUKAS 7:47

Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

GALATIA 5:22

Tapi anggo parbatu ni Tondi i, on do: Holong ni roha, jop ni roha, hasonangan, lambok ni roha, habasaran, lidang ni roha, hatomanan,

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.