1 JOHANNES 4:16 - BIBEL JAMITA NA DENGGAN

¹⁶ Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

1 JOHANNES 4:16 ပူးပေါင်းရင်းမြစ်များ

MASMUR 31:19

Na lobi do antong hadenggananMu na nipasingkopMu di halak na mabiar tu Ho! Diboto halak do sude sanga aha na nibaenMu, tu halak na marsilaung tu Ho.

JESAYA 64:4

Nada habegean dope sian narobi di narobi, jana na so unjung dope tarida i. Asing sian Ho, nada adong debata na mambaen songon i, tu halak na mararop ni roha tusia.

JOHANNES 6:69

Porsaya do hami jana marpos ni roha, Ho do Na Badia na ro sian Debata.”

JOHANNES 9:3

Dialusi Jesus ma, “Mapitung pe ia nada hara ni na mardosa ia jana nada hara ni na mardosa simatobangnia. Mapitung pe ia anso diida halak do kuaso ni Debata markarejo di bagasan dirinia.

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 JOHANNES 3:16

Anggo hita, sian on do tatanda holong ni rohaNia: Madung dipasahat Kristus ngoluNia humopkop hita! Hara ni i, hita pe angkon pasahatonta do ngolunta manghopkop angka donganta.

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.