9 Ganop halak na sorang sian Debata, nada mangkarejohon dosa be, harana madung adong do disia bako ni Debata jana nada be mangkarejohon dosa, harana na sorang sian Debata do ia.
Harana maralo do bakomunu na jat i tu hagiot ni Tondi Parbadia jana maralo muse do hagiot ni Tondi Parbadia tu bakomunu humani na jat i. Marsialoan do na dua i, gabe inda tarpatulus hamu be sanga aha por ni rohamunu.
marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.
Angke markite-hite hata ni Debata na mangolu jana na manongtong i, madung gabe jolma na imbaru hamu dibaen, i ma na so sorang sian jolma, tapi sian Ama na manongtong i do.
Hara ni i sude halak na tinggal di bagasan Ia, nada be mangkarejohon dosa; ganop halak na tongtong mangkarejohon dosa nada marnida jana nada mananda Ia.
Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.
Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.
Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.
Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.