Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 JOHANNES 3:2 - BIBEL JAMITA NA DENGGAN

2 Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

အခန်းကိုကြည့်ပါ။ ကော်ပီ




1 JOHANNES 3:2
37 ပူးပေါင်းရင်းမြစ်များ  

Haru pe huling-hulingniba magurbahi jana mangkabola, tapi anggo di ngolungkon, sai tataponku ma Debata.


Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.


Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.


Na lobi do antong hadenggananMu na nipasingkopMu di halak na mabiar tu Ho! Diboto halak do sude sanga aha na nibaenMu, tu halak na marsilaung tu Ho.


LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”


Tapi ise ma he na tahan di ari haroroNa i? Jana ise ma na tahan jongjong hatiha dipataridahon Ia diriNa? Angke songon api ni panopa do Ia, jana songon sabun ni panyabun.


Martua ma halak na ias rohana, angke halahi ma na giot marnida Debata.


Songon i ma pangalahona saulahon muda di ari hataridaan ni Anak Ni Jolma i.”


Songon surusuruan noma pangalaho ni halahi jana nada ra be mate. Gabe dakdanak ni Debata ma halahi, angke madung dipangolu halahi mangulahi, sian hamatean.


Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,


Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.


Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.


Rap manyaksihon do Tondi Ni Debata dohot tondinta laho patangkaskon na tutu hita dakdanak ni Debata.


Sude sitaonon na tabolus saonnari, anggo ning rohangku, nada tarpatudos dope i tu hasangapan na giot papataron i di hita.


Hara ni lungunna, sasudena na nitompa i painte-intehon do sanga andigan hatihana patidahonon ni Debata hasangapan ni angka dakdanakNia i.


Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.


Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.


Songon dia hita saonnari na songon si Adam na nijadihon sian tano i, anggo sanoli on gabe songon na ro sian banua ginjang i muse ma hita.


Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”


Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.


Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.


Jadi hara ni na nihaporsayaanmunu Kristus Jesus, gabe marsada ma hamu dohot Ia; jadi gabe dakdanak ni Debata muse ma hamu sude.


Dibaen dakdanak ni Debata do hamu, disuru Debata muse ma Tondi Ni AnakNia i masuk tu bagasan rohanta, i ma Tondi na pio-pio, “Abba, ale Amang.”


Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.


Kristus do ngolu na so mantak di hamu jana muda ro Ia saulahon patidahon diriNia, dohot muse ma hamu rap dohot Ia di bagasan hasangapanNa i!


Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.


Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.


Jadi hamu angka dakdanakku, tongtong ma hamu maringanan di bagasan Kristus, anso pos situtu rohanta paboa na puluk hita mangadop tuSia so pola maila be hita saulahon di haroroNa.


Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.


Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.


On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.


Ale hamu angka dongan na nihalungunan, muda nada diuhumi rohanta hita, adong ma pos ni rohanta mida Debata.


Barang ise na porsaya bahaso Jesus do Kristus i, i do na sorang sian Debata, bope barang ise na mangkaholongi Ia na manyorangkon, dihaholongi ia muse do na sorang sian Ia.


Jagiton ni halahi ma bintang sidongdong sian Au.


jana ligion ni halahi ma bohiNa i. Suratkonon ma goar ni Debata di bohi ni halahi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ