1 JOHANNES 3:19 - BIBEL JAMITA NA DENGGAN

¹⁹ Sianon ma dalanna taboto na dohot do hita tarmasuk tu angka halak na ro sian Debata, gabe tarbaen sonang pangkilalaanta di jolo ni Debata.

1 JOHANNES 3:19 ပူးပေါင်းရင်းမြစ်များ

MASMUR 119:56

On ma da na gabe hatuaanku, di na huoloi angka TonaMu.

JESAYA 32:17

Sanga na di dia adong hasintongan, dapotan ma disi hadameon, jana hara ni hasintongan tubu ma haulion dohot hasonangan salolot ni lolotna.

JOHANNES 13:35

Muda marsihaholongan do hamu, gabe botoon ni halak ma sude, na tutu do anak siseanKu hamu.”

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

SURAT NI SI PAULUS TU PARLAGUTAN ROM 4:21

Pos situtu do rohania paboa na tuk do gogo ni Debata patuluskon sanga aha na nijanjihonNia i.

SURAT NI SI PAULUS TU PARLAGUTAN ROM 8:38

Harana marpos ni roha situtu do au, bahaso hamatean bope hangoluan, sanga surusuruan bope angka parkuaso; sanga na adong saonnari bope na giot ro, sanga angka hagogoan,

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

1 JOHANNES 1:8

Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.

1 JOHANNES 2:21

Jadi hubaen pe surat on tu hamu nada hara ni na so nibotomunu hasintongan i, tapi hara ni na dung nibotomunu i do jana diboto hamu muse do na so adong do gabus di hasintongan i.

1 JOHANNES 3:14

Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.

1 JOHANNES 3:20

Angke muda diuhumi rohanta hita, na gumodang dope Debata sian rohanta jana diboto Ia do sasudena i.

1 JOHANNES 3:21

Ale hamu angka dongan na nihalungunan, muda nada diuhumi rohanta hita, adong ma pos ni rohanta mida Debata.