14 Taboto do na dung taripar hita sian hamatean tu hangoluan, hara ni na marsihaholongan hita tu angka donganta. Halak na so marholong ni roha, laing na nirajaan ni hamatean dope i.
Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’
Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”
Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.
Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.
Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.
Nada pola porlu be suratkononnami tu hamu anggo taringot tu na manghaholongi dongan sahaporsayaan sanga na bia baenonmunu. Hamu sandiri pe madung diajari Debata anso marsihaholongan.
Hara ni na nioloanmunu ajaran na sian Debata, gabe dipaias hamu dirimunu jana holong do rohamunu mida angka halak na porsaya tu Kristus. Antong, marsihaholongan ma hamu sama hamu sian sandok rohana be.
Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing.
Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.
Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.
Sahalak pe nada adong na jungada mida Debata, tapi maringanan do Debata di bagasan hita jana gabe sanggam do holong ni rohaNia di bagasan hita muda marsihaholongan hita sama hita.