1 JOHANNES 2:7 - BIBEL JAMITA NA DENGGAN

⁷ Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.

1 JOHANNES 2:7 ပူးပေါင်းရင်းမြစ်များ

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

MATEUS 5:43

“Madung dibege hamu taringot tu pangajaran on: Haholongi ma donganmu, goyak ma rohamu mida alomu.

JOHANNES 13:34

Jagit hamu ma tona na imbaru on sian Au: Angkon marsihaholongan do hamu sama hamu. Songon pangkaholongingKu di hamu, laing songon i ma angkon marsihaholongan hamu.

BAENON NI ANGKA RASUL 17:19

Dung i dioban halahi ma si Paulus tu inganan parrapotan na di Dolok Areopagus. Didok halahi ma disi tusia, “Por do rohanami umbege pangajaran na imbaru na nipaboami.

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

IBRANI 6:9

Tapi hamu angka dongan na nihaholongan, haru pe hami dok songon i, anggo taringot tu hamu pos do rohanami adong do angka na dumenggan ditiop hamu satontang tu haluaanmunu.

1 JOHANNES 2:24

Antong, jamita na dung nibegemunu sian mulana, denggan ma i jagohon hamu di bagasan rohamunu. Muda denggan diparrohahon hamu jamita i, tongtong do marsada hamu di bagasan Anak i, bope di bagasan Ama i.

1 JOHANNES 3:11

Sian mulana madung dipaboa jamita on tu hamu: Angkon marsihaholongan do hita sama hita.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

1 JOHANNES 3:21

Ale hamu angka dongan na nihalungunan, muda nada diuhumi rohanta hita, adong ma pos ni rohanta mida Debata.

1 JOHANNES 3:23

Anggo na niparentahonNia tu hita, on do: Angkon tahaporsayai do AnakNia i, i ma Jesus Kristus; jana angkon marsihaholongan do hita sama hita songon na niparentahon ni Kristus tu hita.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.

1 JOHANNES 4:11

Hamu angka dongan na nihaholongan, muda songon i ma pangkaholongi ni Debata tu hita, hita pe angkon marsihaholongan ma sama hita.

1 JOHANNES 4:21

Antong, on ma tona na nilehen ni Kristus tu hita: Sanga ise na mangkaholongi Debata angkon laing dihaholongi ia muse ma dohot donganna.

1 JOHANNES 4:7

Hamu angka dongan na nihaholongan! Marsihaholongan ma hita sama hita, angke sian Debata do ro holong ni roha i. Sanga ise na marholong ni roha, i do dakdanak ni Debata jana na mananda Debata.