1 JOHANNES 2:25 - BIBEL JAMITA NA DENGGAN

²⁵ Jana on ma na nijanjihon ni Kristus sandiri tu hita, i ma ngolu na manongtong.

1 JOHANNES 2:25 ပူးပေါင်းရင်းမြစ်များ

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

LUKAS 18:30

angkon baloskonon do tu halahi marlompit ganda saonnari on jana lehenon ma ngolu na so mantak di hatiha na giot ro.”

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 12:50

Jana Huboto do na mangalehen hangoluan na so mantak do parentaNia i. Sanga aha na Hudokkon i, na nisuruhon ni Damang do Au mandokkon i.”

JOHANNES 3:15

anso sude halak na porsaya tuSia tarbaen maruli ngolu na manongtong.

JOHANNES 5:39

Diparsiajari hamu do nian Buku Na Badia i angke dipikir hamu dapot hamu ma hangoluan na so mantak i muda dung diparsiajari hamu i. Jana Buku Na Badia i sandiri pe disaksihon i do taringot tu Au!

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:47

“Tutu do na Hudok on tu hamu: Halak na porsaya tu Au, i do na marhangoluan na so mantak.

JOHANNES 6:54

Anggo halak na mangankon pamatangKu jana manginum mudarKu marhangoluan na so mantak do jana pangoluonKu ma halahi mangulahi di Ari Parpudi.

JOHANNES 6:68

Dialusi si Petrus ma, “O Tuhan, giot tu ise dope hami kehe? Hum hataMi sajo do na mangalehen hangoluan na so mantak.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

SURAT NI SI PAULUS TU PARLAGUTAN ROM 5:21

anso songon dosa na mangarajai di bagasan hamatean, songon i muse mangarajai asi ni roha markite-hite hatigoran tu ngolu na manongtong, markite-hite Jesus Kristus Tuhanta i.

SURAT NI SI PAULUS TU PARLAGUTAN ROM 6:23

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

GALATIA 6:8

Muda disuan halak sanga aha hombar tu bakona humani na jat i, angkon sabionna ma hamamago sian bakonia i. Tapi muda marguru tu panogu-noguon ni Tondi Parbadia ia manyuan, sabionnia ma ngolu na so mantak sian Tondi Parbadia.

1 TIMOTEUS 1:16

Tapi laing hara ni i muse ma dihaholongi Debata au, anso laing tarpatuduhon Jesus Kristus hasobaronNia maradopkon au halak pardosa on. Jana gabe tiruan ma on di angka na giot porsaya muse tuSia jana na manjagit hangoluan na so mantak.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

1 TIMOTEUS 6:19

Songon i ma baenon ni halahi dalanna laho palagutkon arta na gabe poko na denggan tu ari pangapudian ni halahi. Jadi muda songon i, maruli ma halahi ngolu na manongtong i ma ngolu na satutuna i.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

TITUS 3:7

anso mardenggan hita mangulahi tu Debata hara ni ibo ni roha ni Jesus jana tola ma hita maruli hangoluan na so mantak na sai tapainte-inte i.

1 JOHANNES 1:2

Madung dipaboa hangoluan i tu portibi on, jana madung hami ida. I ma umbaen na hami saksihon taringot tusi jana hami jamitahon taringot tu ngolu na manongtong na adong hian rap dohot Ama i jana na dung dipatidahon tu hami.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

JUDAS 1:21

jana sai mardongan holong na sian Debata ma hamu mardalan di ngolu on salolot mararop ni roha hamu di asi ni roha ni Tuhanta Jesus Kristus na giot mangalehen ngolu na manongtong di hamu.