1 JOHANNES 2:24 - BIBEL JAMITA NA DENGGAN

²⁴ Antong, jamita na dung nibegemunu sian mulana, denggan ma i jagohon hamu di bagasan rohamunu. Muda denggan diparrohahon hamu jamita i, tongtong do marsada hamu di bagasan Anak i, bope di bagasan Ama i.

1 JOHANNES 2:24 ပူးပေါင်းရင်းမြစ်များ

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

LUKAS 1:2

Sarupa do na nisurat ni halahi i dohot carito na dung lalu tu hita sian angka na midaan sandiri sude na masa i sian mulana jana na manjamitahon Hata i.

LUKAS 9:44

“Tangkas ma parrohahon hamu na Hudok on: Pasahaton ma Anak Ni Jolma i tu kuaso ni jolma.”

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

JOHANNES 6:56

Halak na mangankon pamatangKu jana na manginum mudarKu, ngolu ni halahi ma na sada tu Au jana ngolungKu pe sada tu halahi.

JOHANNES 8:25

“Ise do Ho satutuna?” ninna halahi manyapai. Dialusi Jesus ma, “Aha dope gunana mangkobari Au dohot hamu!

PILIPPI 4:15

Hamu angka dongan na maringanan di Pilippi! Tangkas do diboto hamu di na kehe au sian Makedonia na salpu i, di na pararatkon Jamita Na Denggan i parjolo situtu, hum hamu sajo ma i parlagutan na mangurupi au; hum hamu sajo ma na dohot mandai untung rugina rap dohot au.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

IBRANI 3:14

Sapartohapan do hita on sudena rap dohot Kristus; asal ma togu tatiop lopus tu ujungna, sanga aha na tahaporsayai di mulana i.

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

1 JOHANNES 2:7

Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.

1 JOHANNES 3:24

Barang ise na mangoloi angka na niparentahonNia, na maringanan do ia di bagasan Debata, jana Debata di bagasan ia. Jana taboto ma bahaso Debata maringanan di bagasan hita, i ma hara ni Tondi na dung dilehenNia tu hita.

1 JOHANNES 4:13

Dibaen madung dilehen Debata TondiNia tu hita, gabe taboto ma na di bagasan ni Debata do hita, jana Ia di bagasan hita.

1 JOHANNES 4:15

Sanga ise na mangoku Anak Ni Debata do Jesus, marsada ma Debata tu halakna i jana na maringanan do Debata di bagasan ia, jana ia di bagasan Debata.

1 JOHANNES 4:16

Taboto jana tahaporsayai do holong ni roha ni Debata maradopkon hita. Holong ni roha do Debata. Sanga ise na sai torus mangkaholongi halak na asing, na maringanan do ia di bagasan Debata jana Debata di bagasan ia.

2 JOHANNES 1:2

Angke maringanan do jamita na sintong i na sian Debata di bagasan rohanta jana na sai tongtong rap dohot hita salolot-lolotna.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.

3 JOHANNES 1:3

Jop sajo do rohangku di parlalu ni angka deba dongan na paboahon taringot tu ngolumunu na tongtong di bagasan hasintongan, jana tutu do ho sai mardalan di bagasan hasintongan.

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.