1 JOHANNES 2:21 - BIBEL JAMITA NA DENGGAN

²¹ Jadi hubaen pe surat on tu hamu nada hara ni na so nibotomunu hasintongan i, tapi hara ni na dung nibotomunu i do jana diboto hamu muse do na so adong do gabus di hasintongan i.

1 JOHANNES 2:21 ပူးပေါင်းရင်းမြစ်များ

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

2 PETRUS 1:12

Hara ni i, angkon laing pupuonku do paingotkon na songon i tu hamu, haru pe nian madung tangkas i di hamu jana na dung situtu hamu porsaya tu hatigoran na sian Debata na nijagitmunu i.

1 JOHANNES 3:19

Sianon ma dalanna taboto na dohot do hita tarmasuk tu angka halak na ro sian Debata, gabe tarbaen sonang pangkilalaanta di jolo ni Debata.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.