1 JOHANNES 2:20 - BIBEL JAMITA NA DENGGAN

²⁰ Jadi madung dimiahi Na Badia i hamu, gabe sude ma hamu umbotosa.

1 JOHANNES 2:20 ပူးပေါင်းရင်းမြစ်များ

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

MASMUR 45:7

Dihaholongi raja i do na tigor jana manghasogohon na jat, hara ni i ma umbaen na raja i ditodo Debata. Dipasuksuk Ia tua di raja i manyalpui angka raja na asing i.

MASMUR 71:22

Pujionku ma Ho marhite hasapi, ale Debatangku, hupuji Ho, dibaen sai denggan rohaMu mida au. Mardongan sora ni hasapi endehononku ma pujian di Ho, ale Na Badia ni Israel.

MASMUR 92:10

Dibaen Ho gogongku songon gogo ni lombu jonggi, jana dipasupasuhon Ho tu au hatuaan.

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

JESAYA 43:3

Angke Au do Tuhan, Debatamu. Debata Na Badia ni Israel, Sipaluamu. Hulehen Mesir gabe partobusmu, Sudan dohot Seba baen gontimu.

JESAYA 61:1

Dirajai Tondi Ni Tuhan Debata i ma au; dipili jana disuru Ia au, laho maroban jamita na denggan tu halak na pogos dohot na lebak, jana pamalumkon halak na magopu rohana; laho pabotohon tu halak tahanan paboa na tibu noma halahi dapotan haluaan, dohot tu angka jolma na di hurungan bahaso halahi na dung mardeka.

JEREMIA 31:34

Sahalak pe sian halahi nada porlu be mangajari donganna laho mananda Tuhan. Angke sude halahi, na menek sanga na magodang, tandaonna ma Au. HalupahononKu ma angka hasalaan ni halahi, jana Huampuni angka dosa ni halahi. Au Tuhan, madung mandok songon i.”

HAMALIMON 7:35

I ma bagian sian haul sipanganon na nilehen ni Tuhan tu si Harun dohot tu angka anakna, di hatiha na diojakkon i halahi gabe malim.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

MARKUS 1:24

“Na giot mambaen bia do Ho tu hami, o Jesus halak Nasaret? Betak na giot mamatehon hami do Ho? Hutanda do sanga ise Ho: Suruan na badia ni Debata do Ho!”

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

LUKAS 4:34

“O Jesus halak Nasaret, na giot mambaen bia do Ho tu hami? Adong he na giot mangagohon hami do Ho? Huboto do sanga ise Ho: Na Badia do Ho sian Debata!”

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

BAENON NI ANGKA RASUL 10:38

Diboto hamu do, na dung dipili Debata do Jesus halak Nasaret i, jana dilehen tuSia Tondi Parbadia dohot kuaso. Laing diboto hamu do, na dung mardalani Jesus i tudia-tudia mambaen na denggan; dipamalum Ia sudena halak na nitaluhon ni Sibolis, angke didongani Debata do Ia.

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

1 KORINTUS 2:15

Sanga ise na maruli Tondi Ni Debata, i do na mangastui arti ni sasudena i tapi anggo ia sandiri nada tardodo sanga ise pe.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

IBRANI 8:11

Sahalak pe nada pola porlu halahi mangajari donganna sabangso, sanga paboahon tu donganna, ‘Tanda ma Debata.’ Angke sudena halahi, sian na menekna lopus tu na gumodang, tandaonna ma Au.

1 JOHANNES 2:27

Harana di bagasan dirimunu tinggal do pamiahion na dung nijagitmunu sian Ia. Hara ni i nada porlu hamu ajaran ni halak na asing, tapi songon dia pamiahonNia mangajari hamu taringot tu sudena – jana sintong do pangajaranNia i; nada gabus – jana songon dia Ia mangajari hamu na jolo, songon i muse ma nian hamu maringanan di bagasan Ia.

1 JOHANNES 4:13

Dibaen madung dilehen Debata TondiNia tu hita, gabe taboto ma na di bagasan ni Debata do hita, jana Ia di bagasan hita.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”