1 JOHANNES 2:13 - BIBEL JAMITA NA DENGGAN

¹³ Hubaen surat tu hamu angka ama, dibaen madung ditanda hamu Ia na adong sian mula ni mulana. Hubaen surat on tu hamu angka na poso, angke madung ditaluhon hamu hajahatan.

1 JOHANNES 2:13 ပူးပေါင်းရင်းမြစ်များ

MASMUR 148:12

angka na uli dohot na poso bulung, na menek dohot na matobang.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

PODA 20:29

Dihajopkon roha do na poso hara ni hagogoonna, jana marsahala do halak na matobang hara ni ubanna.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

ZAKARIA 9:17

Dengganna i antong jana jeges! Gandum do mambaen magodang angka doli-doli jana anggur mambaen magodang angka bujing-bujing.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 13:38

Portibi on ma ladang i. Anggo same na denggan i, i ma angka halak na dung gabe parsidohot di Harajaan i. Simareme-eme i, i ma angka halak na mangoloi si Jahat i.

MATEUS 5:37

Dok sajo ma ‘Olo’ sanga ‘Nada’ – muda tamba sian i, sian Sibolis do i ro.”

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 14:7

Sugari ditanda hamu Au, tontu laing tandaonmunu muse ma Damang. Mamungka saonnari madung ditanda hamu Ia, jana madung diida hamu.”

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JOHANNES 16:3

Dibaen halahi pe songon i tu hamu, hara ni na so ditanda halahi dope Damang dohot Au.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

JOHANNES 17:21

Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 8:19

“Di dia ma AmangMi?” ning halahi. Dialusi Jesus ma, “So na ditanda hamu Au. Damang pe nada ditanda hamu i. Sugari ditanda hamu Au, laing ditanda hamu do Damang.”

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

1 TIMOTEUS 5:1

Ulang songgahi halak na matobang, tapi paingot ma ia songon amanta sandiri. Angka na poso baen ma songon kahanggimu,

TITUS 2:6

Paingot muse ma angka na poso anso malo mangarajai dirina.

1 JOHANNES 1:1

Taringot tu hata na mangalehen hangoluan do isi ni surat on, i ma Hata na dung adong hian mamungka sian mula ni mulana. Madung hami bege i jana hami ida sandiri dohot matanami. Madung hami ligi jana hami jama dohot tangannami. I ma na hami suratkon tu hamu.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.

1 JOHANNES 2:12

Hubaen surat on tu hamu angka dakdanak, dibaen madung disesa dosamunu hara ni goarNia.

1 JOHANNES 2:14

Hubaen surat on tu hamu angka dakdanak, dibaen madung ditanda hamu Ama i. Hubaen surat on tu hamu angka ama, dibaen madung ditanda hamu Ia na dung adong hian sian mula ni mulana. Hubaen surat on tu hamu angka na poso, angke gogo do hamu, jana hata ni Debata maringanan di bagasan hamu, jana madung ditaluhon hamu hajahatan i.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”