1 JOHANNES 2:12 - BIBEL JAMITA NA DENGGAN

¹² Hubaen surat on tu hamu angka dakdanak, dibaen madung disesa dosamunu hara ni goarNia.

1 JOHANNES 2:12 ပူးပေါင်းရင်းမြစ်များ

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 25:11

Tuhan, songon janjiMi ampuni ma au, angke bahat situtu do dosangku.

JEREMIA 14:7

Pio-pio tu Au bangsongKu, ‘O Tuhan, dosanami tu hami manudu urupi ma hami hombar tu baga-bagaMu. Madung hami tadingkon Ho marpupu; tutu do na dung mardosa hami tu Ho.

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

LUKAS 5:20

Marnida godang ni haporsayaan ni halahi, didok Jesus ma tu bayo i, “Madung disesa dosami, dongan!”

BAENON NI ANGKA RASUL 10:43

Sude do angka panurirang manaringoti Ia. Didok halahi, dapotan hasesaan ni dosa do sudena halak na porsaya tu Jesus, markite-hite goarNia.”

BAENON NI ANGKA RASUL 13:38

Antong patut ma botoonmunu, ale angka dongan, markite-hite Jesus do dijamitahon di hamu hasesaan ni dosa,

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 4:32

Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

KOLOSSE 1:14

Di bagasan Ia do adong di hita haluaan, i ma hasesaan ni dosa.

1 JOHANNES 1:4

Hami baen pe surat on, anso mur marjop ni roha do hita.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.

1 JOHANNES 2:21

Jadi hubaen pe surat on tu hamu nada hara ni na so nibotomunu hasintongan i, tapi hara ni na dung nibotomunu i do jana diboto hamu muse do na so adong do gabus di hasintongan i.

1 JOHANNES 2:7

Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.