1 JOHANNES 1:8 - BIBEL JAMITA NA DENGGAN

⁸ Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.

1 JOHANNES 1:8 ပူးပေါင်းရင်းမြစ်များ

1 RAJA-RAJA 8:46

“Muda mardosa bangsoMi tu Ho, sian sahalak pe nada adong na so mardosa, hara ni murukMu gabe dipadiar Ho ditaluhon musu halahi, jana dioban halahi gabe taban-taban tu luat na dao sanga na donok.”

2 RAJA-RAJA 20:15

“Aha na niligi ni halahi di bagas godang?” ning si Jesaya mangulahi manyapai. “Sudena diligi halahi!” ning si Hiskia. “Nada adong be sanga na aha di bagasan panyimpanan ni arta di bagas godang ni raja na so hupatidahon tu halahi.”

2 JUJUR TAON 6:36

Muda mardosa bangsoMon tu Ho – tutu nian nada adong sada halak pe na so mardosa – jana hara ni murukMu gabe dipadiar Ho ditaluhon musu halahi jana dioban gabe taban tu luat na dao sanga na donok,

JOB 14:4

Tarbaen ma he jolma pardosa parohon na sanggam soada hurangna?

JOB 15:14

Tarbaen ma he lakna jolma ias sian sala? Tarpatigor ma he jolma di adopan ni Debata?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

MASMUR 143:2

NaposoMu do au on, ulang ma timbang parkarongku, angke nada adong halak na so marsala di adopanMu.

PODA 20:9

Adong ma he halak na bolas mandok hatana, “Ias do rohangku, madung malua au sian dosa!”

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

HAMALIMON 13:12

Muda mur manamba do tihas na bontar i, pola ditutup ia sian pat lalu tu ambubunia,

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

SURAT NI SI PAULUS TU PARLAGUTAN ROM 3:10

Songon na tarsurat i, “Nada adong na tigor, sahalak pe nada.

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

1 KORINTUS 3:18

Ulang ma adong sanga ise na paoto-oto dirina. Sanga ise sian hamu na mangetong dirina na bisuk mangihutkon parsuhatan ni portibi on, angkon jadi oto do ia, baru pe anso tutu ia na bisuk.

GALATIA 6:3

Muda adong na mamikir dirina halak na gabar ia hape nian sisoada do, na manggabusi dirina do ia songon i.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

JAKOBUS 1:22

Patulus hamu ma sanga aha na nidok ni Debata, ulang ma hum na manangihon sajo, angke na paoto-oto dirimunu sandiri do hamu muda songon i.

JAKOBUS 1:26

Muda adong sanga ise na mangkilala dirina halak na burju marugamo, hape nada dijagohon ia dilania, na paoto-otohon dirinia do ia disi; nada adong guna ni ibadatnia i.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.

2 PETRUS 2:13

Songon balos ni pambaenan ni halahi na jahat i, angkon mardangol ma halahi. Anggo pangalaho na pasonangkon roha ni halahi, i ma na mambaen sanga aha sajo di arian na papuaskon hagiot ni pamatang ni halahi. Muda juguk halahi rap dohot dongan di parpestaan, gabe jatjat do goar ni dongan baenon ni halahi jana marlayas, angke mabuk do halahi di sude parange ni halahi na so denggan.

1 JOHANNES 1:10

Muda tadokkon na so mangkarejohon dosa hita, gabe Ia do na tabaen pargabus jana nada adong hataNia di bagasan hita.

1 JOHANNES 1:6

Muda tadok na sada hita dohot Ia, hape laing mangolu di hagolapan hita, gabe pargabus do hita di hata bope di pambaenanta.

1 JOHANNES 2:4

Sanga ise na mandok, “Hutanda do Debata,” hape nada dioloi ia angka tona ni Debata, pargabus do halak na songon i, jana na so adong do maringanan jamita na sintong i na sian Debata di bagasan rohania.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

2 JOHANNES 1:2

Angke maringanan do jamita na sintong i na sian Debata di bagasan rohanta jana na sai tongtong rap dohot hita salolot-lolotna.

3 JOHANNES 1:3

Jop sajo do rohangku di parlalu ni angka deba dongan na paboahon taringot tu ngolumunu na tongtong di bagasan hasintongan, jana tutu do ho sai mardalan di bagasan hasintongan.