1 JOHANNES 1:6 - BIBEL JAMITA NA DENGGAN

⁶ Muda tadok na sada hita dohot Ia, hape laing mangolu di hagolapan hita, gabe pargabus do hita di hata bope di pambaenanta.

1 JOHANNES 1:6 ပူးပေါင်းရင်းမြစ်များ

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

MASMUR 94:20

Nada marpardomuan Ho dohot angka panguhum na so ture na mambaen sah na so pade.

PODA 2:13

Nada ra be halahi mangolu mangihutkon dalan na sintong, hara ni na mangihutkon parngoluon na gok dosa.

MATEUS 7:22

Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

JOHANNES 11:10

Tapi muda borngin do halahi mardalan, tartuktuk ma ia, angke nada adong na torang disia.”

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 8:55

hape so ditanda hamu Ia. Tapi anggo Au Hutanda do Ia. Jadi muda Hudok na so Hutanda Ia, gabe pargabus ma Au songon hamu. Hutanda do Ia jana Huoloi do na nidokNia.

1 TIMOTEUS 4:2

markite-hite lancap-lancap ni angka na manghobarkon gabus, angka na martihas di taroktokna.

JAKOBUS 2:14

Hamu angka dongan! Aha ma gunana didok halak, “Porsaya do au,” anggo so dipatidahon ia do sian pambaenannia na tutu ia porsaya? Tarpalua haporsayaan na songon i ma he ia lakna?

JAKOBUS 2:16

Aha ma gunana didok hamu, “Marjop ni roha ma ho mamake pakean na las jana mangan ma ho lopus butong!” – anggo so dilehen hamu do tusia na nihaporluhonnia i?

JAKOBUS 2:18

Tapi sugari adong na mandok, “Haporsayaan do di ho, pambaenan i di au. Antong patidahon ma di au haporsayaanmu na so mardongan pambaenan, jana hupatidahon di ho sian pambaenan do haporsayaanki.”

1 JOHANNES 1:10

Muda tadokkon na so mangkarejohon dosa hita, gabe Ia do na tabaen pargabus jana nada adong hataNia di bagasan hita.

1 JOHANNES 1:3

Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 JOHANNES 1:8

Muda tadokkon nada mardosa hita, na paoto-oto dirinta do hita disi, jana nada adong hasintongan di bagasan dirinta.

1 JOHANNES 2:4

Sanga ise na mandok, “Hutanda do Debata,” hape nada dioloi ia angka tona ni Debata, pargabus do halak na songon i, jana na so adong do maringanan jamita na sintong i na sian Debata di bagasan rohania.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.