1 JOHANNES 1:5 - BIBEL JAMITA NA DENGGAN

⁵ Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.

1 JOHANNES 1:5 ပူးပေါင်းရင်းမြစ်များ

MASMUR 139:12

nada golap anggo di Ho hagolapan i, torang songon arian borngin i na torang dohot na golap nada adong di Ho imbar ni i.

MASMUR 27:1

Tuhan do hatiuran ni ngolungku dohot sipalua au, nada adong habiaranku. Tuhan do benteng parondinganku, nada pola humitir au.

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

JESAYA 2:5

O ale hamu pomparan ni si Jakob, beta ma hita mardalan di bagasan sondang ni Tuhan!

JESAYA 60:19

Nada porlu sinondang ni mataniari di ho muda arian, borngin pe nada pola marsinondang bulan. Angke Au Tuhan, Au sandiri gabe panorangimu salolotna, sondanganKu hamu marhite sondangKu na marmulia.

DANIEL 2:22

Dibuka Ia do rahasia na lobi bagas. Diboto Ia do sude na tarjadi di bagasan hagolapan. Jana sinondang maringan di bagasan Ia.

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

JOHANNES 1:9

Torang na tutu na manorangi sandok jolma, ro tu portibi on.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 9:5

Salolot di tano on Au, Au do sinondang ni portibi on.”

1 KORINTUS 11:23

Angke na huajarkon i tu hamu, na hujagit sian Tuhan i sandiri do i: Di borngin i dompak dihianati Tuhanta Jesus, dibuat Ia ma roti,

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

1 JOHANNES 3:11

Sian mulana madung dipaboa jamita on tu hamu: Angkon marsihaholongan do hita sama hita.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

HALUMBAAN 22:5

Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.