1 JOHANNES 1:4 - BIBEL JAMITA NA DENGGAN

⁴ Hami baen pe surat on, anso mur marjop ni roha do hita.

1 JOHANNES 1:4 ပူးပေါင်းရင်းမြစ်များ

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JOHANNES 15:11

Hupaboa pe i sudena tu hamu, anso maringanan do hajojop ni rohangKu di bagasan hamu, jana anso sanggam hajojop ni rohamunu.

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

2 KORINTUS 1:24

Nada pola hupaksahon sanga na aha tu hamu taringot tu sihaporsayaanmunu, harana na dung porsaya situtu do hamu. Hum na rap markarejo do au dohot hamu anso mur marjop ni roha hamu.

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

1 JOHANNES 2:1

Hamu angka dakdanakku! Hubaen surat on tu hamu, anso ulang mambaen dosa be hamu. Tapi muda adong na mambaen dosa, adong do di hita sada pangurupi di adopan ni Ama i, i ma Jesus Kristus na tigor i.

2 JOHANNES 1:12

Bahat sajo do nian na giot pajojoronku tu hamu, tapi huhilala dumenggan ma ulang pola markite-hite surat. Arop do rohangku tarbaen au manopot hamu jana mandok hata au sandiri tu hamu anso tutu situtu marjop ni roha hita.