1 JOHANNES 1:3 - BIBEL JAMITA NA DENGGAN

³ Sanga aha na hami ida dohot na hami bege i, laing i do na hami jamitahon tu hamu, anso tarbaen hamu rap dohot hami marhasadaan dohot Ama i dohot tu Jesus Kristus AnakNa i.

1 JOHANNES 1:3 ပူးပေါင်းရင်းမြစ်များ

JOB 13:1

Unjung do huida sudena i, jana torang do huastui.

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

MASMUR 22:22

Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

BILANGAN 10:32

Muda diihutkon ho hami, gabe lehenonnami muse ma di ho angka pasupasu na nilehen ni Tuhan di hami.”

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 17:21

Hupangido tu Damang anso gabe sada halahi sude, songon Damang na sada dohot Au jana Au sada muse dohot Damang. Sai sada ma nian halahi dohot Hita anso porsaya portibi on na nisuru ni Damang do Au.

JOHANNES 17:25

Ale Amang na tigor roha! Nada ditanda portibi on Ho, tapi anggo Au Hutanda do Damang, jana halak on pe diboto halahi do, Damang do na marsuru Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 19:35

Na marnida i sandiri do mamaritahon na masa on, anso laing porsaya hamu. Jana tutu do songon on na nidoknia i; tangkas do diboto ia songon i.

BAENON NI ANGKA RASUL 13:32

Jadi saonnari, na pasahatkon Jamita Na Denggan i ma hami tu hamu ale angka dongan: Sanga aha na nijanjihon ni Debata tu angka ompunta,

BAENON NI ANGKA RASUL 13:41

‘Tangkas ma parrohahon hamu, ale angka pangincahi! Homang ma rohamunu, lopus mate! Angke Hubaen do di hatiha on pangalaho na so tarhaporsayai hamu sandiri, haru pe adong halak na patorangkonsa tu hamu.’ ”

BAENON NI ANGKA RASUL 2:42

Dihaburjuhon halahi do marsiajar sian angka rasul i jana sai tongtong ma halahi rap marlagut. Rap do halahi di na mamonggoli roti, dohot martangiang.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 4:20

Harana nada tarhasipkon hami taringot tu angka na dung hami ida dohot na hami bege sandiri.”

SURAT NI SI PAULUS TU PARLAGUTAN ROM 15:27

Denggan do na dung diputuskon ni halahi, jana utang do i di halahi. Harana muda taruli angka bangso di arta partondion sian halak Jahudi, jadi patut do ditolongi angka bangso na asing i halak Jahudi i taringot tu arta na di portibi on.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 1:9

Pos do roha di Debata, nada adong sihagangguhonon diSia. Ia do Debata na mamio hamu gabe sada dohot AnakNa i, i ma Jesus Kristus Tuhanta i.

1 KORINTUS 15:1

Hamu ale angka dongan! Saonnari giotku, ingot hamu ma mangulahi Jamita Na Denggan na sian Debata na hujamitahon i najolo tu hamu. Madung dijagit hamu i, jana marojahan tu Jamita Na Denggan i do haporsayaanmunu.

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

PILIPPI 2:1

Nada he hara ni na mangolu i do hamu di bagasan Kristus umbaen na margogo hamu? Umbaen na tarapul pe hamu hara ni na holong do rohaNia mida hamu! Solkot pe hamu sama hamu, hara ni na nitogu-togu ni Tondi i do hamu, jana marsihaholongan muse do hamu bope marsiasi-asian.

PILIPPI 3:10

Hum on ma na nipangido ni rohangku; anso hutanda nian Kristus jana hurasoi nian kuaso na pangoluhon Ia sian hamatean i. Por do rohangku markancit dohot Ia jana gabe sarupa dohot Ia di pangalaho ni parmateNia.

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

1 TIMOTEUS 6:2

Angka hatoban na martuan tu halak Kristen, nada tola pamenehonna tuanna i hara ni na rap Kristen i. Sugari nian, angkon mur jeges dope pangoloi ni halahi tu tuanna i, angke rap dongan sahaporsayaan na nihaholongan ni halahi do tuan na nioloan i di bagasan na denggan. Sudena on, angkon ajarkononmu do jana paingotkononmu tu halak sudena.

IBRANI 2:12

Ning Ia ma, “PaboaonKu ma tu angka kahanggingKu taringot tu Ho. PujionKu ma Ho di tonga-tonga ni parlagutan.”

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 3:14

Sapartohapan do hita on sudena rap dohot Kristus; asal ma togu tatiop lopus tu ujungna, sanga aha na tahaporsayai di mulana i.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

2 PETRUS 1:16

Di na hami patorang sanga songon dia hasangapan ni Tuhanta Jesus Kristus di haroroNia tu hamu, nada sian turi-turian na dibaen ni jolma hami baen hatorangan i. Na dung hami ida do dohot matanami sandiri hasangapan ni Kristus i.

1 JOHANNES 1:1

Taringot tu hata na mangalehen hangoluan do isi ni surat on, i ma Hata na dung adong hian mamungka sian mula ni mulana. Madung hami bege i jana hami ida sandiri dohot matanami. Madung hami ligi jana hami jama dohot tangannami. I ma na hami suratkon tu hamu.

1 JOHANNES 1:5

Anggo jamita na hami jagit sian Anak Ni Debata jana na hami paboa tu hamu, on do: Na torang do Debata i, jana nada adong hagolapan bagi aha pe diSia.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.