Prè̤dônyǎphú tahe 2:32 - Kayah Western (Latin)

³² Cò́marya me̤htwǒprè̤ ka̤khyě htuô̌ Jesǔ yě dố tè̤thyě rò lò̌꤮ pè̤ yětahe nuôma pè̤ htwǒ pé̤ lǔ prè̤khyáthè́ dố pè̤ ki khyáluô̌ pé̤ ǔ ná atè̤thyě ihtòka̤khyě yě ari-akyǎ.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

³² ꤡꤢꤪꤗꤢ꤬ꤚꤛꤢ꤬ ꤗꤟꤢꤩ꤬ꤓꤝꤟꤥ꤭ꤕꤚꤟꤢꤧ꤬ ꤊꤟꤢ꤬ꤋꤛꤢꤩ꤭ ꤓꤌꤣ꤭ ꤛꤢꤩ꤬ꤏꤛꤢꤨ ꤛꤢꤩ꤭ ꤘꤣ ꤒꤟꤢꤧ꤬ꤞꤛꤢꤩ꤭ ꤚꤢꤪ ꤜꤟꤢꤪ꤭꤮ ꤕꤟꤢꤧ꤬ ꤛꤢꤩ꤭ꤒꤢ꤬ꤟꤢꤩ꤬ ꤔꤌꤣ꤬ꤗꤢ꤬ ꤕꤟꤢꤧ꤬ ꤓꤝꤟꤥ꤭ ꤕꤢꤩ ꤜꤢꤨ꤭ ꤕꤚꤟꤢꤧ꤬ꤋꤛꤢꤞꤢꤧ ꤘꤣ ꤕꤟꤢꤧ꤬ ꤊꤟꤢꤦ ꤋꤛꤢꤜꤟꤌꤣ꤭ ꤕꤢꤩ ꤢꤨ꤭ ꤔꤢ ꤢ꤬ꤒꤟꤢꤧ꤬ꤞꤛꤢꤩ꤭ ꤤ꤬ꤓꤢꤪ꤬ꤊꤟꤢ꤬ꤋꤛꤢꤩ꤭ ꤛꤢꤩ꤭ ꤢ꤬ꤚꤤ꤬ꤢ꤬ꤊꤛꤢ꤭꤯

Prè̤dônyǎphú tahe 2:32 ပူးပေါင်းရင်းမြစ်များ

ꤛꤥ꤭ꤟꤢ꤬ 15:27

Thǐ otố̤kuô̌ ná vǎ dố akhǎshyékhè̌ pǎ cò́ akhu-akhyě thǐ bè héso pé̤ kuô̌ǔ ná vǎrivǎkyǎ ní꤮.”

Prè̤dônyǎphú tahe 1:8

Manárò bí Thè́ Sǎsè̌ Byacè hyǎlya̤hò́ dố thǐlo̤ pǎ akhè̌nuô, thǐ ki lốbǎ ná tè̤shyotè̤sò̌ pǎ rò thǐ ki htwǒhtya pé̤ vǎ prè̤khyáthè́ tahe dố vǐ̤ Jerusalem akǔ, ná Juda tôké̤꤮ lè̤̌, ná Samaria ké̤ htuô̌to a ki tuố̤ cò́dố hekhusǐba lò̌ cò́ pǎ,” a héphúnuô.

Prè̤dônyǎphú tahe 13:30

Manárò Cò́marya me̤htwǒprè̤ ihtòka̤khyě khyěthyá lǔ dố tè̤thyě.

Prè̤dônyǎphú tahe 13:33

khǒnyá̤rò a me̤lốbǎ pé̤hò́ pè̤ hò́ ma dố Cò́marya me̤-ihtò htwǒprè̤ ka̤khyě khyěthyá hò́ Jesǔ dố tè̤thyě hò́. Pè̤ ma pè̤ klwǐlyǎ tǎ̤kalya̤ dố pè̤phyěpè̤phuô̌ yětahe a o hò́ rò a me̤lốbǎ pé̤hò́ pè̤ hò́. Phú ǔ rǎo dố Li Htuthè́htya amǎ̤du nyě̤tó̤tôtó̤ akǔnuô a hé, ‘Nè̤ ma vǎphúkhǔ, yětônyěrò, vǎ htwǒ hò́ nè̤phè̌ hò́.’

Prè̤dônyǎphú tahe 17:31

Me̤těhérò, a beklò̤bema htuô̌hò́ mò̤́nyěmò̤́thè̌ dố a ki cirya cò́cò́te̤te̤ lò̌ cò́ hekhusǐba pǎ. Cò́marya nwóhtya htuô̌hò́ prè̤ciryatè̤ tôprè̤ hò́. Rò a dyéluô̌ pé̤ htuô̌hò́ ǔpwǒ̤꤮ tôprè̤ ná a tè̤khyáthè́ hò́. Rò a tè̤khyáthè́yě ari-akyǎ ma má̤hò́ a me̤-ihtò htwǒprè̤ ka̤khyě khyěthyá kayǎ nuôtôprè̤ dố tè̤thyě yěnuôhò́.”

Prè̤dônyǎphú tahe 2:24

Manárò Cò́marya me̤htwǒprè̤ ka̤khyě khyěthyá è dố tè̤thyě, rò a me̤lwóhteka̤ lǔ dố tè̤thyě a tè̤cyě̤tè̤cṳ̂ alè̤̌, me̤těhérò tè̤thyě amuố̤phè̌ pṳ̂́klò̤macyá̤ pǎ lǔ to hò́.

Prè̤dônyǎphú tahe 3:15

Thǐ me̤thyěkyǎhò́ kayǎ dố a dyé ǔ thè́htwǒprè̤ yěnuô tôprè̤ hò́, manárò Cò́marya me̤htwǒprè̤ ka̤khyě khyěthyá è dố tè̤thyě hò́, rò tè̤htwǒhtya-ané̤ phúyě nuôma pè̤ myáhtye cò́ hò́ ná pè̤né̤ hò́.

Prè̤dônyǎphú tahe 3:26

Bí Cò́marya nwóhtya alulé Jesǔ akhè̌nuô, a nò̌hyǎ ré̤ pé̤ lǔ dố thǐ o hò́. Thyáphú a ki sò̌ri thǐ rò a nò̌hyǎ lǔ phúnuô. Má̤ dố Cò́marya a taríkò́klò̌kyǎ thǐ pwǒ̤꤮ tôprè̤ ná tè̤mǔmyá̤ricyá̤ akhu-akhyě, Cò́marya a sò̌ri thǐ.”

Prè̤dônyǎphú tahe 4:10

Lò̌꤮ thǐ yětahe bèbè, Israel aklwǐalyǎ lò̌꤮ plǐ bèbè, a tǒ thè́gně lahyǎ ná kayǎ khǎduôdá yětôprè̤ ihtòcuốcyá̤ ryáka̤khyě khyěthyá dố thǐ mèthènyě khǒnyá̤yě nuôma má̤dố vǐ̤ Nazarèphú Jesǔ Krístu amwi̤ a tè̤pro̤tè̤prya̤ akhu-akhyě prè́. Jesǔ Krístu ma thǐ mṳ̂̌thyěhtya è dố krusulo̤ nuôtôprè̤ hò́, manárò Cò́marya me̤htwǒprè̤ ka̤khyě khyěthyá è dố tè̤thyě hò́.

Prè̤dônyǎphú tahe 4:33

Prè̤dônyǎphú tahe khyáluô̌ pé̤ ǔ athè́ ná Byacè Jesǔ nyǎ̤kahtò htwǒprè̤ ka̤khyě ari-akyǎ yěnuô, a lốbǎ cò́ ná tè̤pro̤tè̤prya̤ ashyo-asò̌ htuô̌to Cò́marya klò̤̌lya̤lố klò̤̌lya̤bǎ pé̤ cò́ abwíataryě dố èthǐ lò̌꤮ plǐ alo̤ cò́.

Prè̤dônyǎphú tahe 5:30

Thǐ mṳ̂̌thyěhtya htuô̌hò́ Jesǔ dố krusulo̤ rò pè̤phyěpè̤phuô̌ a Cò́marya yětôprè̤ me̤htwǒprè̤ ka̤khyě khyěthyá è dố tè̤thyě khǎlé̤ hò́.

Corinthia aré̤lố tôba 15:15

Tû́yěnuô má̤to, thǐ hé ná kayǎ thyěhtuô̌nuô a htwǒprè̤ ka̤khyě cyá̤pǎto yěnuô a ki má̤lakǒ hérò, a tǎ̤ ná thǐ hé hò́ ná Cò́marya me̤htwǒprè̤ ka̤khyě khyěthyá Krístu má̤to phúnuô hò́nuô̌. A ki má̤lakǒ phúnuô hérò, pè̤ ma kayǎ dố a cuố dônyǎ lahǒlahya pé̤lò̌ hò́ ǔ ná Cò́marya ari-akyǎ tahe hò́, me̤těhérò pè̤ yǒ hésodônyǎ pé̤ ǔ ná Cò́marya me̤htwǒprè̤ ka̤khyě khyěthyá hò́ Krístu phúnuô nuô̌꤮. Manárò thǐ hé yětahe nuôma atǒ tôcô꤮ to.

Corinthia aré̤lố tôba 6:14

Cò́marya dố a me̤htwǒprè̤ ka̤khyě Byacè dố tè̤thyě yětôprè̤nuô, a ki me̤htwǒprè̤ ka̤khyě kuô̌ pè̤ dố tè̤thyě ná a tè̤pro̤tè̤prya̤ shyosò̌ yěnuô pǎ.

Corinthia nyě̤ba tôba 4:14

Pè̤ yǒ htwǒhtya hò́ tè̤tôcô꤮ tuô̌ ná Byacè Jesǔ hò́ akhu-akhyě, pè̤ thè́gně ná Cò́marya dố a me̤htwǒprè̤ ka̤khyě pè̤ Byacè Jesǔ yětôprè̤nuô, a ki me̤htwǒprè̤ ka̤khyě kuô̌ pè̤ pǎ. Htuô̌to a ki me̤htwǒprè̤ ka̤khyě tố̤kuô̌ thǐ ná pè̤ dố tè̤thyě pǎ rò a ki è́ka̤ otố̤ró̤lò̌ pè̤ dố a mèthènyě pǎ.

Galasia 1:1

Vǎ ma Paulu, liyětôba ma vǎ rǎ prè́. Vǎ ma Prè̤dônyǎphú tôprè̤. Kayǎ tômṳmṳ nò̌htwǒhtya vǎ ná Prè̤dônyǎphú má̤to. Htuô̌to, vǎ htwǒhtya Prè̤dônyǎphú dố kayǎ tôprè̤prè̤ a takhukǔ má̤to to. Jesǔ Krístu ná Phè̌ Cò́marya dố a me̤htwǒprè̤ ka̤khyě Jesǔ Krístu dố tè̤thyě nuôtôprè̤ nò̌htwǒhtya vǎ ná Prè̤dônyǎphú tôprè̤ prè́. Htuô̌rò puố̤vyá̤ Krístuphú lò̌꤮ plǐ dố a o kuô̌ ná vǎ bíyě tahe, thǔhyǎ pé̤ a tè̤hémo̤héryá yětahe dố Galasia ké̤ prè̤zṳ̂́etè̤ plò́mṳphú tahe a o.

Epheso 1:20

tè̤pro̤tè̤prya̤ dố Cò́marya me̤htwǒprè̤ ka̤khyě khyěthyá Krístu dố tè̤thyě nuôtôcô ná tè̤pro̤tè̤prya̤ dố a nò̌onyǎo lǔ dố mò́khu dố atakhu cò́htwó nuôtôkyě yěnuôhò́.

Colossae 2:12

Bí thǐ plwǒ thǐné̤ ná htyě akhè̌, thǐ lé̤klǒ mǔmyá̤ tahenuô, thǐ iluốtǎ̤ tố̤kuô̌ htuô̌hò́ ná Krístu hò́, rò thǐ lé̤klǒthè̌lé̤klǒtwó̤ tahenuô, Cò́marya me̤htwǒprè̤ ka̤khyě tố̤kuô̌ hò́ ná Krístu hò́. Dố thǐ zṳ̂́ení̤ Cò́marya a tè̤pro̤tè̤prya̤ dố a me̤ ihtòhtwǒprè̤ ka̤khyě khyěthyá Krístu dố tè̤thyě yě akhu-akhyě, a htwǒhtya htuô̌lò̌ hò́ phúnuô hò́.

Hebreo 13:20

Thyáphú thǐ ki me̤tǒme̤bè pé̤dû tè̤pě̤tè̤dwǒ a Cò́marya yětôprè̤ athè́plò nuôrò, lò̌꤮ tè̤ryá dố thǐ lobè tahenuô, a ki dyé lò̌lá̤takli dû thǐ ní꤮. Dố Jesǔ Krístu akhu-akhyě, Cò́marya ki me̤dûtè̤ dố pè̤kǔ phú a tǒdû ná lǔthè́plò nuôtahe ní꤮. Cò́marya me̤htwǒprè̤ ka̤khyě htuô̌hò́ pè̤ Byacè Jesǔ dố tè̤thyě hò́. Rò dố Byacè Jesǔ khyáthyě athè́ rò athwi bè htwílya̤ akhu-akhyě, è me̤klò̤me̤makyǎ htuô̌hò́ Cò́marya a tè̤ô̌lya̤ athè̌ dố a o tacṳ́prè̤ yěnuôtômû̌ hò́. Dố a me̤hò́ phúnuô akhu-akhyě Jesǔ htwǒ hò́ pè̤ prè̤kyě̤thímí dố adulốǔ tôprè̤ hò́. Pè̤ ma èthímí tahe hò́. Ǔ ki me̤lǐme̤takhè̌ dû Jesǔ Krístu acṳ́cṳ́ ahtû̌htû̌ ní꤮.

Petru aré̤lố tôba 1:21

Dố Krístu akhu-akhyě, thǐ zṳ̂́ka̤nyá̤ka̤ Cò́marya dố a me̤ ihtòhtwǒprè̤ ka̤khyě khyěthyá Krístu dố tè̤thyě rò a dyahtyalô̌ lố hò́ lǔ yětôprè̤ hò́. Phúnuôrò thǐ tè̤zṳ̂́ ná thǐ tè̤myásû̌ yěnuô, a o hò́ dố Cò́marya alo̤hò́.