ꤛꤥ꤭ꤟꤢ꤬ 7:12 - Kayah Western (Latin)

¹² Kayǎ bè́mṳ tahe dônyǎhuô dônyǎthwè́ è́nyacò́ lǔrilǔkyǎ. Tahehenuô, a hé lahyǎ, “È ma kayǎ ryá prè́.” Akhǒruô tahe hésû, “Aryá má̤to. A pṳ̌ ilolahǒ ǔ prè́,” a hé lahyǎ phúnuô.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

¹² ꤊꤢ꤬ꤛꤢ꤭ ꤙꤢꤧꤗꤟꤢꤨ꤬ ꤒꤢ꤬ꤟꤢꤩ꤬ ꤘꤣ꤬ꤑꤢ꤭ꤟꤌꤣ꤬ ꤘꤣ꤬ꤑꤢ꤭ꤞꤝꤢꤧ ꤢꤧꤔꤛꤢ꤬ꤡꤢꤪ ꤜꤢꤨ꤭ꤚꤤ꤬ꤜꤢꤨ꤭ꤊꤛꤢ꤭꤯ ꤒꤢ꤬ꤟꤢꤩ꤬ꤟꤢꤩ꤬ꤔꤌꤣ꤬, ꤢ꤬ ꤟꤢꤩ ꤜꤢ꤬ꤟꤛꤢ꤭ ꤔꤢ, “ꤢꤧ꤬ ꤗꤢ꤬ ꤊꤢ꤬ꤛꤢ꤭ ꤚꤛꤢ ꤕꤚꤢꤧ꤯” ꤢ꤬ꤋꤥ꤭ꤚꤟꤌꤣ꤬ ꤒꤢ꤬ꤟꤢꤩ꤬ ꤟꤢꤩꤏꤢꤦ꤬ ꤔꤢ, “ꤢ꤬ꤚꤛꤢ ꤗꤟꤢꤒꤥ꤬꤯ ꤢ꤬ ꤕꤟꤢꤨ꤭ ꤤ꤬ꤜꤥ꤬ꤜꤢ꤬ꤟꤥ꤭ ꤢꤨ꤭ ꤕꤚꤢꤧ,” ꤢ꤬ ꤟꤢꤩ ꤜꤢ꤬ꤟꤛꤢ꤭ ꤖꤢꤨꤔꤌꤣ꤬꤯

ꤛꤥ꤭ꤟꤢ꤬ 7:12 ပူးပေါင်းရင်းမြစ်များ

Matteo 10:25

Khǒpacè̤̌ tôprè̤ ki cyá̤ bá athárá nuô, rò prè̤me̤tè̤phú tôprè̤ ki cyá̤ bá abyacè nuô héma pòhò́. Vǎ htwǒ cò́ hikhuklò́ tôprè̤ rò èthǐ ki è́ vǎ ná khǐnékhǐnò̌ a khuklò́du dố amwi̤ ná Beelzebul yě kihérò thǐ dố a htwǒ prè́ hiphúphyǎphú tahenuô a ki è́cyě̤è́cṳ̂ lốklò̌ pǎ cò́ thǐmwi̤ pǎ.

Matteo 21:46

Rò èthǐ myápṳ̌ lahyǎ klyá dố a kíré̤ pṳ̂́ Jesǔ tadû́rò Jesǔ ma prè̤pro̤ tôprè̤, kayǎ bè́mṳ tahe yǒ zṳ̂́e lahyǎ phúnuô akhu-akhyě, èthǐ thè́isě kayǎ bè́mṳ nuôtahe alé̤.

Matteo 27:63

Rò èthǐ cuố hé lǔ, “Khwí꤮ pè̤ tǒ̤maní̤ pǎ ná bí phè̌lahǒdu nuôtôprè̤ ohtwǒprè̤pǎ akhè̌nuô, a hé, ‘Thuô̌nyěhtuô̌pǎ nuô, vǎ ki ihtòhtwǒprè̤ ka̤khyě pǎ,’ a hé phúnuô.

ꤜꤢꤨꤊꤢ꤬ 18:19

Jesǔ sudyǎ lǔ, “Nè̤ cuốè́ tuố̤ vǎ ná tháráryá me̤tě? Kayǎryá o tôprè̤꤮ to, a o prè́tû́ Cò́marya tôprè̤prè́.

ꤜꤢꤨꤊꤢ꤬ 23:47

Roma klyětôzè̤ khuklò́ yětôprè̤ myáhtye tè̤me̤-ané̤ yětahe rò a htuthè́htya Cò́marya rò a hé, “Kayǎ yětôprè̤ ma kayǎcò́kayǎte̤ má̤lakǒ cò́ nyǎ hò́!”

ꤜꤢꤨꤊꤢ꤬ 23:50

Kayǎ dố amwi̤ ná Joseph o tôprè̤. A o dố vǐ̤ Arimathea, Juda ké̤kǔ. È ma kayǎryá, kayǎcò́cû́ dố a opò̤́myásû̌ Cò́marya ahtyěaké̤ ki hyǎ pǎ tôprè̤. È ma a opatố̤kuô̌ dố kayǎ htwǒdu aplò́amṳkǔ tôprè̤ tadû́rò bí ǔ ò́lya̤ lò̌ ná ǔ ki cirya Jesǔ akhè̌nuô, a ò́lya̤ patố̤ kuô̌ǔ to.

ꤜꤢꤨꤊꤢ꤬ 6:45

Kayǎryá tôprè̤nuô a hébèhte prè́ tè̤ryá o dố lǔ thè́plòkǔ nuôtahe prè́. Kayǎcyě̤ricyá̤ tôprè̤nuô, a hébèhte prè́ tè̤mǔmyá̤ricyá̤ o dố lǔ thè́plòkǔ nuôtahe prè́. Kayǎ nuô a thè́plòkǔ obǎ tǎ̤pòtǎ̤pè̤̌ phútěrò akhǎu krwǒ hébèhte kuô̌ phúnuôprè́.

ꤜꤢꤨꤊꤢ꤬ 7:16

Kayǎ bè́mṳ yětahe khyéthukhyéthè́ lò̌plǐ cò́ rò htuthè́htya lahyǎ Cò́marya rò a hé lahyǎ, “Prè̤pro̤du oluô̌htya hò́ dố pè̤klè̌ tôprè̤ hò́” rò “Cò́marya hyǎlya̤ me̤cwó̤ hò́ akayǎ hò́.”

ꤛꤥ꤭ꤟꤢ꤬ 6:14

Bí kayǎ yětahe myáhtyehtuô̌ Byacè Jesǔ me̤ tè̤pro̤tè̤prya̤ yětahe akhè̌nuô, èthǐ hé lahyǎ, “Prè̤pro̤ dố a kíré̤ hyǎlya̤ dố hekhuyě pǎ ǔ hé nuôma a má̤ nyǎ hò́ è hò́,” a hé lahyǎ phúnuô.

ꤛꤥ꤭ꤟꤢ꤬ 7:32

Èthǐ hébèhuô hébèthwè́ ní̤dyélǔ ná Byacè Jesǔ Krístu ari-akyǎ phúyě akhè̌nuô, Pharisěophú tahe ní̤huô̌ rò èthǐ ná bwídukhu tahe nò̌cuốpṳ̂́ Byacè Jesǔ ná klyěphú dố a opò̤́ tè̤lǔhǒdu nuôtahe.

ꤛꤥ꤭ꤟꤢ꤬ 7:47

Rò Pharisěophú tahe hétakèsû èthǐ, “Ma a ilo ní̤kuô̌ cò́ hò́ thǐ kǒ?

ꤛꤥ꤭ꤟꤢ꤬ 7:52

Èthǐ hésû lǔ, “Nè̤ ma꤮ Galilea ké̤phú prè́prè́. Myápṳ̌ rwó ka̤khyě khyěthyá mò̌ lisǎsè̌ nuô, nè̤ ki myáhtye thè́gně ná prè̤pro̤ nuôtôprè̤ ohtya dố Galilea ké̤kǔ pǎ má̤to.”

ꤛꤥ꤭ꤟꤢ꤬ 9:16

Pharisěophú tahe hé, “È ma a o dố Cò́marya a o hyǎ má̤to, me̤těhérò a duô kuô̌ǔ Mò̤́nyěduô to nuô̌꤮.” Manárò tahehenuô a hé lahyǎ, “Prè̤oraphú tôprè̤ cuốme̤ cyá̤ tuố̤ tè̤pro̤tè̤prya̤ phúyě tahe phútě?” Phúnuôrò èthǐ thè́plò lṳkhó lò̌khyělǔ tômṳ ná tômṳ.

Prè̤dônyǎphú tahe 11:24

Barnaba ma kayǎ dố aryá rò a lốbǎ ná Thè́ Sǎsè̌ Byacè tôprè̤. Rò è ma kayǎ dố a tè̤zṳ̂́tè̤nyá̤ sò̌ tôprè̤. Rò a me̤cwó̤ è́ pé̤lǎ ǔ rò ǔ zṳ̂́ka̤nyá̤ka̤ è́lǎ Byacè.

ꤚꤟꤥꤗꤢꤩ꤬ 5:7

Kayǎ tôprè̤ ki khyáthyě pé̤ kayǎcò́kayǎte̤ agně tôprè̤ hénuôma, akya̤ nyacò́. Manárò kayǎryá má̤lakǒ tôprè̤ agně hénuô, taryá꤮ ma prè̤ khyáthyěbû dố agně nuôma a o prè́ kǒle.

Philippi 2:14

Thyáphú thǐ ki htwǒhtya kayǎ mwǒ̤plǐthǐplo rò ǔ lé̤dya tè̤thû́ dố thǐlo̤ ki o pǎ tǎmé̤, htuô̌to thyáphú thǐ ki htwǒdû Cò́marya a phúmòphúkhǔ dố atè̤thû́ o to tahe, rò bí thǐ ohtwǒprè̤ dố kayǎ mǔmyá̤ cò́te̤to yětahe aklè̌ yěakhè̌, thyáphú thǐ ki lǐtakhè̌htya pé̤ ǔ phú sètahe dố hekhusǐba yěanyěnuô, thǐ me̤tè̤ ǐtětě꤮ bèbè, tamwǒ̤talè̌ krékryá̤ tǎ lahyǎ tǎmé̤ ní꤮.