Epheso 5:25 - Kayah Western (Latin)

²⁵ Vè̤thǐ꤮, phú Krístu mo̤ ní̤dyé a prè̤zṳ̂́etè̤plò́mṳ rò a dyélya̤kyǎ cò́ athè́ dố prè̤zṳ̂́etè̤ plò́mṳphú tahe agněnuô, mo̤ní̤ lahyǎ thǐmě ní꤮.

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

²⁵ ꤠꤟꤢꤧ꤬ꤞꤤ꤭꤮, ꤖꤢꤨ ꤋꤚꤤ ꤗꤟꤥ꤬ ꤔꤟꤤꤘꤛꤢꤩ ꤢ꤬ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤚꤢꤪ ꤢ꤬ ꤘꤛꤢꤩꤜꤟꤛꤢ꤬ꤊꤛꤢ꤭ ꤡꤢꤪ ꤢ꤬ꤞꤢꤧ ꤘꤣ ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ ꤕꤜꤢꤪꤗꤟꤢꤨ꤬ꤖꤢꤨ ꤒꤢ꤬ꤟꤢꤩ꤬ ꤢ꤬ꤑꤢꤩ꤭ꤔꤌꤣ꤬, ꤗꤟꤥ꤬ꤔꤟꤤ ꤜꤢ꤬ꤟꤛꤢ꤭ ꤞꤤ꤭ꤗꤢꤩ꤭ ꤔꤤ꤮꤯

Epheso 5:25 ပူးပေါင်းရင်းမြစ်များ

Matteo 20:28

Myábû̌kuô̌ vǎ má̤dû prè̤lukayǎ aphúkhǔyě, vǎ hyǎ dố ǔ ki me̤pé̤ vǎgně nuô má̤to. Vǎ hyǎ dố vǎ ki me̤pé̤ ǔgně prè́. Rò thyáphú vǎ ki ihtaka̤ní̤ èthǐ agněnuôrò, vǎ dyélya̤kyǎ vǎ thè́plò htwǒprè̤ dố kayǎ è́prè̤ agně.”

ꤛꤥ꤭ꤟꤢ꤬ 6:51

Vǎ ma sèe dố a dyé ǔ thè́htwǒprè̤ rò a o dố mò́khu hyǎlya̤. Ǔpěpě꤮ bèbè, a ki e sèe yěnuô, a ki htwǒprè̤ tacṳ́prè̤ pǎ. Sèe yěnuôma má̤hò́ vǎzye yěnuô hò́. Thyáphú prè̤lu hekhuphú ki htwǒprè̤ agněnuô vǎ dyélya̤kyǎ vǎ né̤klò̤́ yě dố èthǐgně hò́.”

Prè̤dônyǎphú tahe 20:28

Myákhwè ní̤dyédû lahyǎ thǐné̤ rò myákhwè ní̤dyé lahyǎ lò̌꤮ thímí dố Thè́ Sǎsè̌ dyétǎ̤kyǎ pé̤ thǐ dố thǐ bè myákhwèní̤ yěnuô tahe ní꤮. Htwǒ lahyǎ prè̤kyě̤thímíphú dố a myákhwèní̤ athímí yětahe nuô tahe ní꤮. Myákhwèní̤ lahyǎ Cò́marya a prè̤zṳ̂́etè̤ plò́mṳphú dố aphúkhǔ ipri̤ka̤ htuô̌hò́ ná athwi ní̤dû yěnuô ní꤮.

Galasia 1:4

Thyáphú Krístu ki me̤lwóhteka̤ pè̤ ná yětôhtû̌ a tè̤mǔmyá̤ricyá̤ tahe agněnuô, a dyélya̤kyǎ hò́ a thè́htwǒprè̤ dố pè̤ tè̤thû́tè̤ora ki plwǒkyǎ agně hò́. Phú a Phè̌ Cò́marya thè́zṳ̂́ nò̌me̤ lǔ tahenuô, a me̤htuô̌hò́.

Galasia 2:20

Yěnuôma a thyáhò́ ná vǎ thyě tố̤kuô̌ ná Krístu dố krusu alo̤ hò́. Vǎ ohtwǒprè̤ má̤pǎto hò́ tadû́rò Krístu ohtwǒprè̤ hò́ dố vǎkǔ hò́. Tè̤ohtwǒprè̤ dố vǎ ohtwǒprè̤ khǒnyá̤ yěnuôma má̤prè́ vǎ ohtwǒprè̤ dố tè̤zṳ̂́e Cò́marya aphúkhǔ dố a mo̤ní̤ vǎ rò a dyélya̤kyǎ a thè́htwǒprè̤ dố vǎgně yěnuô tôprè̤ akhyě prè́.

Epheso 5:2

Thǐ tǒ ohtwǒprè̤ lahyǎ phútě hénuôma, mo̤ní̤ lahyǎ ǔruô pwǒ̤꤮ tônyě thyáná Krístu mo̤ ní̤dyé pè̤ rò a khyáthyě athè́ dố pè̤gně nuô ní꤮. Htuô̌to Krístu lǔhtya a thè́htwǒprè̤ dố Cò́marya a mèthènyě thyáná tè̤nuô̤mû́nuô̤sû̌ dố atǒ Cò́marya athè́plò yěnuô hò́.

Epheso 5:24

Phúnuôrò, khǒnyá̤yě phú prè̤zṳ̂́etè̤ plò́mṳphú cṳ̌e Krístu angó̤nuô, thǐ tǒbè cṳ̌ekuô̌ thǐvè̤ tahe angó̤ dố tè̤lò̌꤮ plǐ akǔ.

Epheso 5:28

Phúnuôrò, phú꤮ vè̤ tahe mo̤lya̤ ní̤dyé ané̤klò̤́ nuô, èthǐ tǒbè mo̤ ní̤dyé amě phúnuô. Kayǎ dố a mo̤ ní̤dyé amě nuô a mo̤ ní̤dyé hò́ ané̤hò́.

Epheso 5:33

Manárò, thǐ bèbè, thǐ bè mo̤lya̤ ní̤dyé thǐmě phú thǐ mo̤lya̤ ní̤dyé thǐné̤nuô pwǒ̤꤮ tôprè̤. Htuô̌rò mě bèbè, a bè bezṳ̂́benyá̤ ní̤ avè̤ pwǒ̤꤮ tôprè̤.

Colossae 3:19

Vè̤thǐ꤮ mo̤ní̤ lahyǎ thǐmě rò thè́prwǒ̤thè́li̤, me̤pyá̤me̤sè̌ tǎ èthǐ tǎmé̤.

Timothy aré̤lố tôba 2:6

Thyáphú a ki ihta ka̤khyě prè̤lu hekhuphú lò̌꤮ plǐ agněnuô a dyélya̤kyǎ a thè́htwǒprè̤. È ma prè̤khyáthè́ dố a hyǎ tǒshuốtǒkhè̌ tôprè̤.

Petru aré̤lố tôba 3:7

Phúnuôrò thǐ dố a htwǒ vè̤ tahenuô, bí thǐ bè otố̤ ná thǐmě akhè̌, thè́gně cwó̤ pé̤ kuô̌dû ná èthǐ ma a hè̌cè̤́recè̤́ klò̌dûgně ná thǐ phúnuô ní꤮. Thè́gně bezṳ̂́benyá̤ sûkuô̌ thǐmě ní꤮. Me̤těhérò Cò́marya dyékrǎ thè́htwǒprè̤ shyězṳ́ yěnuô, èthǐ ní̤bè thyákuô̌dû ná thǐthǐ prè́. Bí thǐ kwǐcò́bè̌ akhè̌, thyáphú tè̤ ki me̤dídyǎ tǎ̤tṳ̂̌ tǎ thǐ tǎmé̤ nuô, tarú me̤ lahyǎ phúnuô ní꤮.

Tè̤dyéluô̌htya 1:5

Thǐ ki ní̤bè kuô̌pó̤dû Jesǔ Krístu dố a khyáathè́ cò́cò́te̤te̤ yětôprè̤ abwíataryě ná a tè̤thuôtè̤krě ní꤮. Kayǎthyě rò a htwǒprè̤ ka̤khyě aklè̌nuô, è ma prè̤ dố a htwǒprè̤ ré̤lố ǔ tôprè̤ hò́. È ma prè̤ dố a pố hekhu akhwí tahe. È ma a mo̤ní̤ nyacò́ pè̤ htuô̌to dố a thyě akhu-akhyě a me̤lwóhteka̤ pè̤ dố tè̤thû́tè̤ora akǔ.

Tè̤dyéluô̌htya 5:9

Èthǐ irǒ li-irǒ athè̌ tôtó̤, “Nè̤ kòdûhò́ ná nè̤ ki phyé litalǔyě rò caákyǎ tè̤me̤máme̤dyǎ yětahe. Me̤těhérò ǔ me̤thyě htuô̌hò́ nè̤ akhu-akhyě, thyáphú kayǎ tahe ki htwǒhtya Cò́marya atè̤ nuô nè̤ ihtaka̤hò́ èthǐ ná nè̤thwi rò prè̤lukayǎ tahehe dố a o dố kayǎ pwǒ̤tômuố̤, ngó̤ pwǒ̤tôngó̤, myěcô pwǒ̤꤮ tôcô ná ké̤ pwǒ̤tôké̤ aklè̌ tahenuô, nè̤ ihtaka̤ pé̤ htuô̌hò́ ná Cò́marya.