Epheso 5:14 - Kayah Western (Latin)

¹⁴ Tè̤ dố a dyé myáhtyeluô̌ thè́gně tǎ̤te̤ ryá ǔ ma tû́prè́ tè̤lǐ prè́. Phúnuôrò ǔ hé, “Phè̌ omyěshyo, thè́né̤kuô̌ mò̌ ǔ, ihtòka̤ kuô̌mò̌ǔ dố tè̤thyě a khǎlé̤yě nuô. Krístu a tè̤lǐyě ki takhè̌tǎ̤ dố nè̤lo̤ pǎ.”

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

¹⁴ ꤒꤟꤢꤧ꤬ ꤘꤣ ꤢ꤬ ꤘꤛꤢꤩ ꤗꤛꤢꤓꤛꤢꤩ꤬ꤜꤟꤌꤣ꤭ ꤞꤢꤧꤑꤢꤩ꤭ ꤒꤟꤢ꤭ꤒꤟꤢꤩ꤬ ꤚꤛꤢ ꤢꤨ꤭ ꤗꤢ꤬ ꤒꤢꤦꤕꤚꤢꤧ ꤒꤟꤢꤧ꤬ꤜꤤ꤭ ꤕꤚꤢꤧ꤯ ꤖꤢꤨꤔꤌꤣ꤬ꤚꤢꤪ ꤢꤨ꤭ ꤟꤢꤩ ꤔꤢ, “ꤖꤢꤧ꤭ ꤥ꤬ꤗꤛꤢꤩ꤭ꤏꤛꤥ꤬, ꤞꤢꤧꤔꤟꤢꤩꤊꤟꤌꤣ꤭ ꤗꤢꤪ꤭ ꤢꤨ꤭, ꤤ꤬ꤓꤢꤪ꤬ꤊꤟꤢ꤬ ꤊꤟꤌꤣ꤭ꤗꤢꤪ꤭ꤢꤨ꤭ ꤘꤣ ꤒꤟꤢꤧ꤬ꤞꤛꤢꤩ꤭ ꤢ꤬ ꤋꤢ꤭ꤜꤟꤢꤩꤛꤢꤩ꤭ ꤔꤌꤣ꤬꤯ ꤋꤚꤤ ꤢ꤬ ꤒꤟꤢꤧ꤬ꤜꤤ꤭ꤛꤢꤩ꤭ ꤊꤟꤢꤦ ꤒꤢ꤬ꤋꤢꤧ꤭ꤒꤟꤢ꤭ ꤘꤣ ꤔꤟꤢꤧ꤬ꤜꤟꤥ꤬ ꤕꤢ꤭꤯”

Epheso 5:14 ပူးပေါင်းရင်းမြစ်များ

ꤜꤢꤨꤊꤢ꤬ 1:78

Me̤těhérò pè̤ Cò́marya yěnuô, a thè́zò̤ní̤ nyacò́ ǔ rò a khyáthè́dǒ nyacò́. A nò̌hyǎlya̤hò́ kayǎ o dố mò́khu tôprè̤ ki hyǎ me̤lwóhteka̤ hò́ pè̤, prè̤me̤lwóhteka̤ pè̤ yětôprè̤nuô, a thyáhò́ ná tamò̤́ lǐhtyaré̤ dố mò̤́lǐbǔkhè̌ nuôhò́.

ꤜꤢꤨꤊꤢ꤬ 15:24

Me̤těhérò è ma athyáná vǎphúkhǔ dố a thyěhtuô̌hò́ tôprè̤, rò a htwǒprè̤ ka̤khyě khyěthyá yětônyě tôprè̤nuô hò́. È ma athyáná vǎphúkhǔ dố a lamé̤ rò myáhtye ka̤khyě khyěthyá hò́ è yětônyě tôprè̤ nuôhò́.’ Phúnuôrò èthǐ cáhtya me̤pwè̌me̤la, takruô̤̌takrè́ eǒ ró̤lò̌ lǔ.

ꤛꤥ꤭ꤟꤢ꤬ 8:12

Byacè Jesǔ hé khyěthyá kayǎ nuôtahe, “Vǎ ma hekhu atè̤lǐ. Kayǎ dố a krwǒ vǎkhyě tôprè̤prè̤ nuô, a cuố pǎ dố tè̤khítè̤lò̤ aklè̌ takhyá꤮ to. A ki ní̤bè tè̤lǐ dố a dyé lǔ thè́htwǒprè̤ athè̌ yěnuô pǎ.”

ꤛꤥ꤭ꤟꤢ꤬ 9:5

Bí vǎ opǎ bí hekhuyě akhè̌nuô, vǎ ma hekhu atè̤lǐ rò a dyé ǔ tè̤thè́khuthè́gně dốthudốthè́ tôkyě tôprè̤ hò́,” a hé èthǐ phúnuô.

Prè̤dônyǎphú tahe 13:47

Me̤těhérò, Byacè mekyǎ pè̤ angó̤, ‘Thyáphú hekhusǐbalò̌ ki ní̤bè kuô̌ǔ tè̤me̤lwóhteka̤ agněnuô, vǎ nò̌htwǒhtyahò́ thǐ phú tè̤lǐ tômě dố Judaphú má̤to tahe agně hò́.’” Byacè hékyǎ phúnuô.

ꤚꤟꤥꤗꤢꤩ꤬ 6:13

Dyé tǎ thǐ né̤klò̤́ akrṳ̂akrò̤̌ yěnuô dố tè̤mǔmyá̤ricyá̤ ki nò̌e lǔ ná a takuô̤tabè̌ dố lé̤me̤ tè̤thû́ tahe agněnuô tǎmé̤ ní꤮. Cò́marya dyéhò́ nè̤ tè̤ohtwǒprè̤ athè̌ akhu-akhyě, dyé lahyǎ thǐ né̤klò̤́ yěnuô dố a o nuô. Dyétǎ̤ lò̌ thǐ né̤klò̤́ akrṳ̂akrò̤̌ yětahe lò̌꤮ plǐ dố Cò́marya a o nuô, rò phú thǐ nò̌e takuô̤tabè̌ nuô, nò̌e lahyǎ thǐ né̤klò̤́ krṳ̂krò̤̌ yěnuô dố thǐ lé̤me̤ tè̤cò́tè̤te̤ agně ní꤮.

Corinthia aré̤lố tôba 15:34

Tane̤ tǎ̤tǒtǎ̤bè khyěthyá lahyǎ thǐ thè́plò rò vǐkyǎ kyǎ thǐ me̤tè̤thû́ nuô tahe. Me̤těhérò dố thǐklè̌ tahehenuô tuố̤khǒnyá̤ a thè́gně tǎ̤te̤ kuô̌ hí ǔ Cò́marya ari-akyǎ to. Tè̤ohtwǒhtya phúyě nuôma thǐ tǒkò thè́tarè̤̌ nyacò́.

Corinthia nyě̤ba tôba 4:6

Bí Cò́marya byálya̤ tè̤lò̌꤮ plǐ akhè̌nuô, a hé, “Tè̤khí ki thò́thû́ taphǎ cuốkyǎ rò tè̤lǐ ki oluô̌htya dû ní꤮,” a hé phúnuô. Cò́marya me̤htuô̌ pé̤ kuô̌dû hò́ pè̤ phúnuô hò́. Bí pè̤ thè́gně hí Krístu to akhè̌nuô, pè̤ thè́plò yě a khítapa̤ prè́ tadû́rò Cò́marya me̤lǐka̤ pé̤ pè̤ thè́plò hò́. Thyáphú pè̤ ki thè́gněplǒryá Cò́marya a tè̤lǐtè̤takhè̌ dố a dyéluô̌htya dǐtû́ ná Krístu yětahenuô, è ma prè̤ dố a isǐlǐhtya pé̤ pè̤ thè́plò a tè̤tane̤ tahe tôprè̤ hò́.

Epheso 2:1

Dố aré̤khè̌ nuôma, thǐ yǒ ní̤dǎ cṳ̌e kuô̌ǔ Cò́marya angó̤ to, thǐ me̤ tè̤thû́ akhu-akhyě, dốthudốthè́ tôkyěnuô, thǐ thyáná kayǎ thyěhtuô̌hò́ nuôtahe hò́.

Epheso 2:5

Bínuôkhè̌ pè̤ cṳ̌e kuô̌ cò́ angó̤ to, pè̤ thyácò́ná kayǎthyě nuô cò́ tadû́rò a dyé tố̤kuô̌ hò́ pè̤ tè̤ohtwǒprè̤ athè̌ ná Krístu hò́. Cò́marya abwídu-ataryěhtǔ akhu-akhyěrò, pè̤ ní̤bèhò́ tè̤siplè́ka̤ hò́.

Colossae 3:1

Phú Cò́marya me̤ ihtòhtwǒprè̤ ka̤khyě Krístu dố tè̤thyě nuô, Cò́marya me̤ ihtòhtwǒprè̤ ka̤khyě kuô̌hò́ thǐ dố tè̤thyě hò́ rò a dyé tố̤kuô̌ hò́ thǐ thè́htwǒprè̤ athè̌ yěnuô ná Krístu hò́. Phúnuôrò lò̌꤮ thǐ thè́plò a tè̤thè́zṳ̂́ tahenuô dya-o lahyǎ dố mò́khu bí Krístu lé̤onyǎ ní̤dyé akhǎlé̤ dố Cò́marya atakhu cò́htwó nuôtôkyě ní꤮.

Thessalonia aré̤lố tôba 5:6

Phúnuôrò pè̤ kò omyě sǒtapa̤ ní̤kuô̌ phú ǔruô tahe omyě sǒtapa̤ nuôto. Pè̤ tǒbè othǎklyǎ rò pốtarí ní̤dyédû pè̤né̤.

Timothy nyě̤ba tôba 1:10

Manárò khǒnyá̤yě pè̤ Byacè Jesǔ Krístu dố a me̤lwóhteka̤ pè̤ yětôprè̤ hyǎhò́ akhu-akhyě, a dyéluô̌ pé̤hò́ pè̤ tè̤bwítè̤taryě yěnuôhò́. È me̤pyékyǎhò́ tè̤thyě a taryěshyosò̌ dố a pé̤epé̤ǒ pè̤ yětahe hò́. Htuô̌rò dố tè̤thè́krṳ̂̌mila akhu-akhyě, a dyéluô̌ htuô̌hò́ thè́htwǒprè̤ dố a thyě cyá̤to yěnuôhò́.

Timothy nyě̤ba tôba 2:26

Rò èthǐ ki thè́gněhtya ní̤khyě ané̤ pǎ rò a ki me̤lwóhteka̤ ní̤dyé ané̤ ná khǐnéricyá̤ khuklò́ adápǎ̤ yě akǔ pǎ. Mame̤těhérò khǐnéricyá̤ khuklò́ pṳ̂́ní̤ hò́ èthǐ rò a nò̌me̤ hò́ èthǐ phú atǒ lǔthè́plò nuô hò́.