Yuti 1:8 - The Keyagana NT and 25 OT books

⁸ Ani kavaʼmo huʼa mago vayaʼmogimo alagamuna ageteʼapaeʼmo apakufamo aliʼa hosu huʼa apateteʼapaeʼmo yagaiʼa neʼapataya vayaʼai geʼapimo noʼafiye. Apakaemo ha le konali vayaʼmo yagaiʼa neʼapataya vayaʼaifeʼmo huʼa faipa huʼa neʼapatae.

Yuti 1:8 ပူးပေါင်းရင်းမြစ်များ

Aepa Gemae 3:5

Lanakaemo mani yosa alagamo nesaʼaʼmoʼmo lanaulagamo ayakesigetana alagepa kavaʼe hosu kavaʼeʼmo agetetana Gotikana hutana maigaʼae. Gotiʼmo ani kavaʼmo ago ageʼniyaʼmofeʼmo mani yosa alagamo oʼneʼao, huno huʼniye.

Mai'naya kavane 30:11

Mago aunale vayaʼmogimo afoʼapimogimo lifana huʼa apatege itaʼapimogimo aliʼa auleʼa oʼapatege nehae.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Napa 16:3

Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Luki 11:25

Huteno eno ageʼniyana ani nopiʼmo vagi vagi huno alino kanale hu maleʼnigeno afaʼa haneʼnigeno age maleteno

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Luki 19:14

Hapa paiteno uʼniyaʼmonanafa vayaʼamogimo agaefeʼmo apaini huteʼa mago vayaʼmo aliʼa apateʼnageʼa uʼa Ala kini vekaeʼmo huʼapaeʼmo, ani vekamoʼmo yagaino latesiyafeʼmo olahauʼniye, huʼa ha paiʼnae.

Apa 23:5

Poloʼa geʼapileʼmo aeno atagaina huno hapa painoʼaeʼmo, Konagaʼnimogitapae, huno, Mono huʼa neʼapataya vayaʼaiteʼmo yagaino neʼapateya vekamo maiʼniye, huʼna nagaemo oʼageʼnove. Goti mukufati gemoʼmo hunoʼaeʼmo, Lapakae vayaʼaiteʼmo yagaino neʼapateya vekaeʼmo hutapa faipa huta oʼateyo, huno huʼniye, huno hapa paiʼniye.

Apa 7:27

konagaʼamoʼeʼmo kaveta huʼniya vekamoʼmo eno Moseseʼa alino agoʼya faino ataletenoʼaeʼmo, Ina laʼmo lagaeteʼmo yagaiʼneka agoti getimo afiteka alika fako huka latesana vekamo maigane, huno lekana paino kateʼniye.

Apa 7:39

Huno hapa paiʼniyaʼmonanafa huʼniya geeʼmo ohapauʼnigeʼapaeʼmo, halate atagi neta Isipi kotegamo ugune, huʼa apakesamo afiʼnae.

1 Kolitiyani 3:17

Mago vekamoʼmo Goti mono noʼamo heno halagape vaino atalesigenoʼaeʼmo Gotiʼa alino agoʼya lagauno atalegaiye, Goti mono noʼamo aote noʼmo haneʼniyaʼmofeʼmae. Lapakaemo ani aote mono noʼamo maiʼnae.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

1 Pita 2:17

Muki vayaʼai apakiʼapileʼmo alita asaga hiyo. Konagatapieʼmo lapaino. Gotifeʼmo koli hiyo. Ala kini vekamo hogote vekatapimo ala agiʼamo amiyo.