Yuti 1:6 - The Keyagana NT and 25 OT books

⁶ Gotiʼa mago enisole vayaʼmo aliʼyaʼmo apamiʼnigeʼapaeʼmo yagaiʼnaya aliʼyaʼapimo atalege maiʼnaya koʼapimo atalege huʼnagenoʼaeʼmo Gotiʼa apatafauno hanege hanege huno hanesiya seli nofitetiʼmo kino apateteno alopa agotimo huno apatesiya afinafeʼmo malaga hani kopiʼmo apateʼnigeʼa maiʼnae.

Yuti 1:6 ပူးပေါင်းရင်းမြစ်များ

Matiyu 10:15

Lama ge lapa nepauve, huno, Gotiʼa agoti huno apatesiya afinaʼmo Gomola taonifiʼmo maiʼnaya vayaʼe Sotomi taonifiʼmo maiʼnaya vayaʼeʼmo hanageke yaʼmo aligayaʼmonanafa ani taonifiʼmo maiʼnaya vayaʼmogimo magoʼe huʼa aeʼa apaka seʼa lusi hanageke yaʼmo aligae.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 8:29

Anakaemo eʼana Yesuʼeʼmo fotu huteʼanaeʼmo, Goti mafaʼneʼamogae, huʼa, lagaetegamo na agufa kava huka latesanafeʼmo neʼane. Kayoʼmo lamisana afinaʼmo afole oʼaiʼniyanagi lagafu yaʼmo alika lamisanafeʼmo neʼapiye, huʼa afi geʼnae.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

Efasasi 6:12

Na kava hinagetaene. Lagaemo apakufaʼe kolaʼapiʼeʼmo haneʼniya vayaʼeʼmo kamemo nosunaʼmonanafa kokuʼnapiʼmo maiʼneʼa hosu kavaʼmo huʼa yagaiʼa neʼapataya apaune vayaʼeʼmo kamemo nehune. Ala apaki vayaʼenagi himamu vayaʼenagi ma mopafi vayaʼmo hani yapiʼmo neʼmaiya vayaʼaiteʼmo yagaiʼa neʼapataya vayaʼenagi huta kamemo nehunaʼmofeʼmo

Himulu 10:27

Ohaneʼniyaʼmofeʼmo Gotiʼa agoti huno latesiya kavafekeʼmo koli huta agava maisuna kavaʼmo haneʼniye. Aipamo leno neʼapateyanageno kame vayaʼamo atamoʼmo leno pasaga ligiye.

2 Pita 2:4

Enisole vayaʼmogimo hosu kavaʼmo huʼnagenoʼaeʼmo Gotiʼa apakeno oʼapataleʼnifa seli nofitetiʼmo kino apateteno ata kopiʼmo alino yaga auno apataleʼnigeʼa agoti huno apatesiya afinafeʼmo hani kopiʼmo maiʼneʼa agava maiʼnae.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.

Leveleseni 20:2

Agaemo alopa nagaloʼyavemo akeyaʼvilaga maiʼniya nagaloʼyavemo agiʼamo Nevoʼae huno hanege mago alu agiʼamo Sataniʼae huno hanege huʼniya vekamo atafauno seli nofitetiʼmo kino ateʼnigeno vani tauseniʼa kafugamo maiʼniye.