Yuti 1:17 - The Keyagana NT and 25 OT books

¹⁷ Nahauʼniya vayaʼnimogitapae, huʼna, Ani agufa kavaʼmo nehayaʼmonanafa lapakaemo Ala kava netimo Yesu Kalaisi apa vayaʼamogi afole aisiya kavafeʼmo ava gemo huʼa lapa paiʼnaya geeʼmo halate lapakesamo afitapa ho hiyo.

Yuti 1:17 ပူးပေါင်းရင်းမြစ်များ

Malakai 4:4

Nagaemo aliʼyaʼnimo neʼaliya vekamo Mosesefeʼmo Holepi avefiʼmo keʼaepa geʼnigi avoʼmo kae malesiya geʼnigi aliʼna fako nehuva geʼnigi huʼna ha paiʼnove. Ani geeʼmo lapake okanitapa lapakesa afifi hutapa maiyo.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Efasasi 2:20

Apa vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo Gotiʼa noʼmo faino neʼateya yafakana huʼa maiʼnae. Gotiʼa ani yafateʼmo no kigekana huno alino lapateʼniye. Yesu Kalaisiʼa hogote yafaʼmo aluga aluga atupaleʼmo noʼmo faiʼa neʼataya yafakana huno maiʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

1 Yoni 4:6

Lagaemo Goti vayaʼamo maiʼnone. Gotiʼa ageʼa aeto huʼnaya vayaʼmogimo getimo neʼafiye. Goti vayaʼamo oʼmaiʼnaya vayaʼmogimo getimo noʼafiye. Ani kavatefeʼmo lama ge Aunemeʼamo agege aigofe aunemeʼamo agege hugune.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.